Càr Gia Lai kờp dŭ bơcri 17 rơbô tơmàn đong nàng bơtàu tơnguh bơtơ̆t rơbòng dà
Thứ sáu, 07:55, 11/07/2025 Cau mblàng Ndong Brawl/VOV Cau mblàng Ndong Brawl/VOV
VOV4.K'Ho- Càr Gia Lai kờp dŭ bơcri pơgăp 17 rơbô tơmàn đong nàng lơh gơs broă tuh dà, nàng di pal mờ jơnau kờñ bơtàu tơnguh lơh sa suơn sre ngui măi mok pa mờ lơh geh ală tiah tam phan dờng ơnàng.

Tơnơ̆ mờ tŭ tơmŭt bal, càr Gia Lai gam kong gơtìp mờ uă bơta kal ke tàm gah bơtơ̆t rơbòng dà tŭ geh dà uă mơya cồng nha lơh ờ hềt geh jăt jơnau kờñ. Jăt Tỉñ ủy càr Gia lai đơs, mìng is ù tiah càr Bình Định lài do geh broă lơh bơtơ̆t rơbòng dà ndrờm bal, gơtùi rơcang tuh tus 95% bă ù tam phan.

Gam tàm càr Gia Lai lài do, bŭ lah geh bơta pràn bè lơh sa suơn sre, brê bơnơm, mơya mìng tuh geh 68 rơbô lồ ù, ndrờm mờ di pơgăp 14% bă ù. Tỉñ ủy càr Gia Lai đơs, broă gờñ bơsong bơta gơkòl bè dà tuh rơ̆p là bơta tờm nàng bơtàu tơnguh lơh sa suơn sre. Gah lơh sa suơn sre pal gờñ pơlam gùng dà broă bơcri priă lơh bơtơ̆t rơbòng dà, di lah priă tàm lơgar ờ tơl den gơtùi càn priă ODA nàng bơcri.

Cau mblàng Ndong Brawl/VOV

Viết bình luận

TIN CÙNG CHUYÊN MỤC