VOV.Xơ Đăng - Kơvâ ngăn pơkeăng ƀă khăm pơlât Dak Lak dế mơdêk pêi pro, chêh ‘’măn tung kơmăi, tung măng kơxô̆ mâu hlá mơ-éa chêh pro. Troh nôkố, kuăn pơlê rôh apoăng hiăng chiâng chêh dêi inâi khăm, pơlât ƀă kơmăi điê̆n tưh; mâu hngêi pơkeăng xuân tơbleăng ing điê̆n tưh ƀă liăn ngân khăm ôh tá xê ăm liăn mâ. Mâu tơdroăng ki kơnâ kố dế chôa 'lâng kum kuăn pơlê châ achê tâ, hlâu tâ tung khăm pơlât, tơdrêng amê hlối mơdêk ki rơkê plĕng tung khăm - pơlât a kong pơlê.

     VOV.Xơ Đăng - Êi tơlêa tung pơtok nong cho môi tơdroăng châi ki hmâ trâm, malối tung tơdroăng rêh ối chal nếo nôkố. Xua tơdroăng ki hmâ trâm mê dêi tơdroăng châi kố pro hên ngế ôh tá vâ hmâng, troh tơdroăng ki mơhno ăm hlo apoăng. Êi tơlêa tung pơtok nong  ôh tá xê to tơdroăng châi ki hmâ trâm mê ối pro chiâng ai tơdroăng châi ki rơ-iô troh ivá.

VOV.Xơ Đăng - Măng tĭng hdrối, kong pơlê Gia Lai châ hlo 2 ngế hdrêng hlâ xua pơreăng kôk rơxok, mơdêk kơxô̆ mơngế hlâ xua pơreăng kố sap apoăng hơnăm 2026 troh nôkố tâk 5 ngế.

VOV.Xơ Đăng - A kong pơlê Dak Lak nếo mơnhên ngế ki má 2 hlâ xua pơreăng tơngê lo mơheăm tung hơnăm 2026.

VOV.Xơ Đăng –  Kơxê lơ 8/9, a Tíu pêi cheăng Chin phuh, pôa Lê Minh Hưng, Ngế pro xiâm hnê ngăn tơnêi têa pơkuâ roh pêi cheăng ƀă Khu xiâm ngăn pơkeăng ƀă khăm pơlât ƀă mâu khu xiâm, kơvâ cheăng ki tơdjâk troh 'na tơdroăng tơkêa bro Luât 'mâi rơnêu, tơ'nôm mâu tơdroăng dêi Luât khăm pơlât, Luât pơkeăng ƀă Luât rak krúa kế kâ.

VOV.Xơ Đăng - Vâ thăm kring vế, rak ngăn ƀă mơdêk ivá kuăn pơlê tiô Pơkâ kơxô̆ 72 hơnăm 2025 dêi Khu xiâm kal kí, kong pơlê Gia Lai dế tơbleăng hên troăng hơlâ ki phá tơ-ê ‘na 'no liăn ăm khăm pơlât a cheăm bêng. Tung mê ki rơhêng vâ tối cho pơkâ 'no liăn vâ chê 300 rơtal liăn ăm kơvâ khăm pơlât mâu pơlê cheăm kơpong xơpá, tơdroăng tơbleăng khăm ivá tiô rơnó tê kơtê ăm kuăn pơlê a 12 to cheăm tơkăng kong, chuăn rơlố; ƀă tơdroăng pơtroh mâu ƀok thái pơkeăng ing mâu hngêi pơkeăng vêh pêi cheăng a mâu hngêi pơkeăng cheăm.

VOV.Xơ Đăng - Mot tung rơnó mê hngê, tơdroăng ki pơreăng tơngê lo mơheăm Dengue a Dak Lak dế hlo rế tâk hên. Riân sap ing apoăng hơnăm troh nôkố, tung lâp kong pơlê hiăng ai lối 4.200 ngế tro pơreăng tơngê lo mơheăm, tung mê ai 1 ngế hlâ. Ki rơhêng vâ tối, vâi hdrêng tro hên tung kơxô̆ ngế vâi hdrêng tro pơreăng athế mot pơlât a hngêi pơkeăng. Ki khât gá ăm hlo, hên mâu ngế tro pơreăng troh a tíu khăm pơlât drêng pơreăng hiăng pơhlêh chiâng râ xua ôh tá vâ hmâng, lơ pơlât xêh a hngêi. Tơdroăng kố pro rế tâk ki rơ-iêo, thăm nếo kô mơnhâu troh ivá ăm ngế ki tro pơreăng.

VOV.Xơ Đăng - Klêi kơ’nâi 8 rôh livestream tê tơmeăm a Leh tơbleăng Sầu riêng Dak Lak hơnăm 2026, ngế ki pêt sầu riêng hiăng tê châ lối 28 tâ̆n plâi, ƀă vâ chê 6.000 đơn kok roê, tâi tâng kơxô̆ liăn châ xo vâ chê 3 rơtal.

VOV.Xơ Đăng - Pơreăng kôk rơxok hiăng tâ tú hên ngế a Lâm Đồng, sap apoăng hơnăm troh nôkố hiăng ai 1 ngế hlâ ƀă nếo achê pơla kố, môi to cho nhôm tro tâ pơreăng kôk rơxok hiăng kâ 5 ngế a cheăm Hàm Thuận Bắc.

VOV.Xơ Đăng - Xuăn tối Rối loạn phổ tự kỷ a vâi ‘nĕng, tơkéa vâ tối, hiâm mơno ôh tá tơleăng lĕm trối hmâ, vâ kô kôk, vâ lâng lâp, ing mê, ga ai tơdjâk troh tơdroănguki tơpui kâ, tơdroăng ki hlê plĕng ‘na tơdroăng rêh ối tung rơpŏng hngêi ƀă pơlê pơla. Troh nôkố, khu hriăn cheăng ‘na khoa hok xuân tá hâi teăm chiâng mơnhên khât xiâm kối khoh chiâng pro ngôa ôh tá tơleăng lĕm, la ing tơdroăng ki tamo kố, ga tơdjâk troh hên tơdroăng ki vâ xông kân a vâi ‘nĕng, pá vâ tơrŭm rêh ối triăn lĕm tung khu vâi hdrêng, pá vâ tơniăn ăm tơdroăng rêh ối dêi kuăn ‘nĕng ki mê tung pơlê pơla. Tung pơla kố, hên mâu nôu pâ tá hâi hlê plĕng nhên 'na tơdroăng kố, hrá djâ dêi kuăn 'nĕng lăm khăm, pro ăm tơdroăng pơlât ôh tá xêt khât.