VOV.Xơ Đăng - Hngêi pơkeăng pơlât Mâ Tây Nguyên, kong pơlê Dak Lak, hiăng xúa kơmăi VisuMax 800 tung phân mêm pơlât mâu ngế châi ‘na mâ.

VOV.Xơ Đăng -  Mơheăm ôh tá kâi kơtâu troh a ngoâ (ối khĕn cho mơheăm ôh tá kâi kơtâu troh a ngoâ ing troăng mơheăm” cho môi tung mâu tơdroăng châi ki rơ-iêo, ai kơxô̆ ngế hlâ hên; mâu ngế ki tro châi tamo kố mơhúa rêh gá kô tro mâu tơdroăng ki châi tamo râ môi tiah kăng kơbrĕn lâp châ, ôh tá chiâng tơpui ƀă hên ki ê. Khu hriăn ngăn ‘na pơkeăng nôkố hiăng hlo tơƀrê tung tơdroăng pơlât rêh ăm mâu ngế ki tro tamo mơheăm ôh tá kâi kơtâu troh a ngoâ, laga pơkâ thế pro ăm ngế ki tamo mê athế rĕng ‘nâi ƀă rĕng teăm châ pơlât. Xua mê, tơdroăng ki rĕng tơdah xo pơlât ing mâu tíu khăm pơlât ki ai ivá vâ pơlât, ƀă pơlât tâi tâng tơdroăng ki mơheăm ôh tá kâi kơtâu troh a ngoâ ai pơxúa kal khât ƀă tơdroăng rêh dêi ngế ki tro mê.

VOV.Xơ Đăng - Rêm hơnăm, tung lâp plâi tơnêi ai dâng 15 rơtuh ngế vâi hdrêng kot mâ ôh tá tro khế. A Việt Nam, kơxô̆ ngế vâi hdrêng kot mâ ôh tá tro khế châ dâng 10% tung tâi tâng kơxô̆ ngế ki kot mâ ƀă dế hlo rế tâk hên. Tơdroăng kot mâ ôh tá tro khế kô pro ăm vâi hdrêng mê trâm hên mâu tơdroăng ki ôh tá lĕm ‘na ivá châ chăn môi tiah suy hô hâ̆p, nhiê̆m trùng, hrá kân ƀă tơdjâk troh tuăn ngo. Xua mê, vâ gum vâi hdrêng kot mâ ôh tá tro khế xông kân tơniăn đi đo cho tơdroăng pêi ki xiâm xuân môi tiah tơdroăng pơloăng mơnúa kân dêi kơvâ ngăn pơkeăng pơlât.  

VOV.Xơ Đăng - Pơreăng êi tung dế kơtôu mâ (khĕn cho châi mâ khêi) cho môi tung mâu pơreăng hmâ trâm má môi ‘na mâ. Pơreăng hmâ tro hên tung pơla pơhlêh rơnó, hyôh kong prâi pơhlêh. A vâi hdrêng, malối cho vâi hdrêng dế hriâm mầm non tơ’lêi tro túa pơreăng kố xua vâi hmâ ối achê, xúa xah mâu kế xah. Kố cho túa pơreăng tơ’lêi pơlât la tâng pơlât ôh tá tro tơdroăng kô pro chiâng rơ-iêo tâ, tơdjâk troh ki xáu hlo dêi mâ dêi vâi hdrêng tung xo ah hmôi.

VOV.Xơ Đăng - Vâ rak vế tơdroăng khăm pơlât, châ tơhluâ rôh hdrối, tung ƀă klêi kơ’nâi Têt Bính Ngọ, kơvâ ngăn pơkeăng ƀă khăm pơlât hiăng pơtroh mâu kăn ƀô̆, mâu ngế cheăng a rơh Têt, hbrâ tŭm pơkeăng, tơmeăm xúa tung khăm pơlât. La ƀă tơdroăng mê, mâu hngêi pơkeăng ki kân a kong pơlê Dak Lak hiăng ƀă dế tơrŭm ƀă mâu khu ki pleăng dêi hnoăng cheăng pleăng mơheăm pơlât mơngế, tơdah xo lối hrĭng tơdrong mơheăm ‘măn kơdĭng, hbrâ rơnáu vâ pơlât ăm mâu ngế ki kal vâ mơheăm tung rôh Têt Bính Ngọ.

VOV.Xơ Đăng – Hlo virus Nipah tâ tú a Ấn Độ, kơvâ ngăn pơkeăng ƀă khăm pơlât kong pơlê Khánh Hòa hiăng hbrâ rơnáu pơkâ pêi mâu tơdroăng hbrâ mơdât pơreăng tiô rêm kơlo ki rơ-iêo. Sap ing bo cheăng lâp plâi tơnêi troh pơlê pơla ƀă mâu tíu khăm pơlât, mâu troăng hơlâ châ tơbleăng pêi pro tơdâng tơ’mô ƀă hiâm mơno pôi tá tơngôu ƀă pôi tá préa xâu, hbrâ mơdât vâ rak vế ivá châ chăn ăm kuăn pơlê ƀă tơmối.

VOV.Xơ Đăng - Glocom cho tơdroăng ki pro châi mâ ki pin ôh tá ƀĕng ê, roh pơxiâm tro, pro hên ngế ôh tá ‘nâi nhên, la tâng hmôu pơ lôi ton ga kô pro mâ chiâng ‘loâ tá ah. Xua ti mê, ai mâu ngế ki ‘nâ drêng hiăng ‘nâi dêi tơná tro tâ Glocom mê, pro mâ tâ châi ó, athế po mâ xua tung dế mâ hiăng tro tơdjâk.

VOV.Xơ Đăng - Mâu tơdroăng cheăng khăm pơlât, rak ngăn ivá châ chăn kuăn pơlê a mâu pơlê cheăm kơpong hơngế hơngo, kơpong hdrông kuăn ngo ki iâ mơngế dêi kong pơlê Gai Lai hiăng ƀă dế châ pơtối mơdêk hnoăng cheăng ki xiâm dêi “hnoăng cheăng” tung rak ngăn, rak vế ivá châ chăn dêi kuăn pơlê. Rêm hngêi pơkeăng cheăm, rêm ngế ki pêi cheăng a thôn pơlê cho “khu ki veăng mơdêk ivá cheăng” dêi kơvâ khăm pơlât, gum ăm tơdroăng rak ngăn ivá châ chăn dêi kuăn pơlê châ tơniăn hên tâ, gum kuăn pơlê châ đi đo khăm pơlât hlâu tâ, kơdroh ăm mâu hngêi pơkeăng a kơpêng hâ ho.

VOV.Xơ Đăng - Kuô̆k hô̆i nếo tối tơbleăng Tơdroăng pơkâ ‘na Hnoăng cheăng xiâm tơnêi têa tung khăm pơlât, rak ngăn ivá châ chăn kuăn pơlê, gum kuăn pơlê ai ivá mo rơdêi pơla sap ing hơnăm 2026-2035, ƀă kơxô̆ liăn vâ chê 89.000 rơtal liăn, pơkâ tơdroămg cheăng ki xiâm cho rak tơniăn ăm ivá kuăn pơlê, hbrâ mơdât ing ahdrối, gum ivá kuăn pơlê mo dâi lĕm, veăng gum mơjiâng Việt Nam mo rơdêi, mơnhông krá tơniăn.

VOV.Xơ Đăng - Tiâ mơnhên ƀă khăm ivá hdrối vâ xo on veăng cho môi tung mâu tơdroăng ki kal gum ăm kơnốu ƀă kơdrâi hbrâ vâ xo on veăng châ ‘nâi tơ’nôm ‘na túa ki rak ngăn ivá; châ khăm, mơnhên tối tâi tâng ivá dêi tơná, ing mê hbrâ mâu tơdroăng vâ rêh ối hơniâp ro ăm prế on veăng, ki kal tâ cho tơdroăng ki mơjiâng mâu vaia hdrêng ivá mo sêi.