VOV4.Xơ Đăng - Hên hơnăm hdrối mê hía nah, kơvâ ngăn ‘na pơkeăng ƀă khăm pơlât ƀă mâu hlá tơbeăng, rơ’jíu, um tơvi hiăng đi đo pơtâng tối tơdroăng ki tro pôu ‘mêi ing drôu ki pro ing al-kôl Methanol. Pơla hdrối, tung ƀă kơ’nâi Têt Lo hơnăm nếo kố nah, xuân u ối mâu ngế athế mot pơlât tung hngêi pơkeăng xua tro pôu ‘mêi al-kôl Methanol tung mơheăm hên ó, ki rơhêng vâ tối ai 2 ngế kong têa ê hiăng hlâ a pơlê kong kơdrâm Hội An (Quảng Nam), klêi kơ’nâi ôu drôu ki ôh tá xê khât, xua ai môi ngế hiăng hơ’lâk al-kôl ki ai trếo Methanol pro chiâng 2 kŏng kếo drôu ki mơhniăng mê. Ing tơdroăng ki kố pa môi hdroh nếo vâ tối al-kôl Methanol tâng hơ’lâk ƀă têa pin kô ôh ta ‘nâi nhên mê cho drôu khât lơ drôu pơloi.

VOV4.Xơ Đăng - tung mâu hơnăm hdrối mê hía nah, hngêi pơkeăng krê pá kong hiăng veăng gum hên khât ăm tơdroăng khăm pơlât a kong pơlê Dak Lak. Ƀă tơdroăng ki xông tơtêk ó rơdêi dêi mâu hngêi pơkeăng krê pá kong, kuăn pơlê tung kong polê kố tơ’lêi hlâu vâ tăng rah hngêi pơkeăng vâ khăm pơlât, châ xúa mâu tơdroăng ki pơhlêh nếo ‘na mâu kơmăi kơmok, kế tơmeăm ƀă xúa hlâu tung châ khăm, ƀă pơlât ing mâu pơkeăng ki dâi lĕm, xêt khât.

VOV4.Xơ Đăng - Hâi lơ 27/2, kong pơlê Dak Lak tơkŭm po leh tơbâ 70 hơnăm Hâi thái pơkeăng Việt Nam (27/02/1955 - 27/02/2025), tơmâng xo mơnhông tơƀrê luâ tơdroăng ƀă ‘no hnoăng dêi kơvâ ngăn pơkeăng tung tơdroăng khăm pơlât rak ngăn ivá kuăn pơlê; pâ kơ mâu ai hnoăng veăng ‘no dêi thái pơkeăng, kăn ƀô̆ ngăn pơkeăng a kong pơlê.

VOV4.Xơ Đăng - Vâ chê 20 hơnăm hmâ ƀă tíu tơkăng kong, ƀok thái pơkeăng Nguyễn Văn Quốc Trí, Phŏ pơkuâ veăng khăm pơlât ta mo châi A Xan dêi Đông Mô đô̆i gak tơkăng kong Tr’hy, Khu ngăn Mô đô̆i gak tơkăng kong dêi kong pơlê Quảng Nam đi đo kodo mơ-eăm tí tăng hriăn plĕng, hriâm mơdêk tơdroăng rơkê ‘na hnoăng cheăng, rak ngăn ivá ăm kuăn pơlê a kơpong tíu tơkăng kong. Malối, hên hơnăm hdrối, pôa Trí ối pơlât ăm hên ngế kuăn pơlê ki tro hơ-ou kơxêt, hlá ngón, oăng xoi, pah po, malối drêng vâ rơneh kuăn pơla dế drô troăng prôk troh a hngêi pơkeăng... mâu tơdroăng pêi pro mê ai hên ki pơxúa dêi ƀok thái pơkeăng Nguyễn Văn Quốc Trí, cho vâ mơhno hiâm mơno mơjo pâ, ki tơrŭm, hmâ pơla mâu lêng ƀă kuăn pơlê, pro tuăn loi khât tung hiâm mơno kuăn pơlê a kơpong tơkăng kong.

VOV4.Xơ Đăng -  Lối 300 kăn teăng mâ ing mâu hngêi pơkeăng tung lâp tơnêi têa nếo veăng Hneăng hôp khoa hok châ tơkŭm po a Hngêi pơkeăng Đăi hok Y Dược Ƀuôn Ma Thuột, kong pơlê Dak Lak. Kố cho môi tơdroăng pêi pro klăng roh leh tơbâ 70 hơnăm Hâi thái pơkeăng Việt Nam lơ 27/2.

VOV4.Xơ Đăng - Ing apoăng hơnăm troh nôkố, Hngêi pơkeăng pơlât vâi hdrêng kong pơlê Gia Lai hiăng tơdah xo pơlât vâ chê 500 ngế vâi hdrêng mot pơlât xua tro pơreăng tamo lo xêi, ing mê, thăm hlo ai rế hên ngế tro tâ tâng vâ pơchông ngăn ƀă rơnó kố hơnăm 2024. Tơdroăng kố, pro Hngêi pơkeăng kân dế rế ai hên ngế mot pơlât.

VOV4.Xơ Đăng - Tơklâm rơxế a troăng dế ai rêm hâi, rêm chôu, tơdjâk troh ivá, tơdroăng rêh dêi hên ngế. Tơdroăng ki tơdah xo pơlât ăm mâu ngế ki tơklâm rơxế a troăng hiăng xơpá, ƀă mâu ngế ki tro rong, tơđôu kơxêng xua tơklâm rơxế tơdjâk troh ôu drôu ƀiê̆r ối xơpá tâ. Ngế chêh hlá tơbeăng ki hmâ chêh ‘na tơdroăng kố a Kơvâ tơdah pơlât tơdrêng, Hngêi pơkeăng kân kơpong Tây Nguyên ai chêh tối ‘na tơdroăng mê.

VOV4.Xơ Đăng - Mâu hâi ki kố, kơvâ ngăn ‘na pơkeăng ƀă khăm pơlât kong pơlê Dak Lak dế pêi pro hên tơdroăng cheăng vâ rak tơniăn ăm tơdroăng tơdah pơlât mâu ngế ki châi tamo râ. Ing mâu hngêi pơkeăng kân a pơlê kong kơdrâm Buôn Ma Thuột troh a mâu hngêi pơkeăng tơring, cheăm pơrá hiăng hbrâ tơnáu mâu tơdroăng ki vâ hbrâ pơlât tơdrêng, gum kuăn pơlê vâ ai môi rơnó Têt ki hơniâp ro, tơniăn lĕm.

VOV4.Xơ Đăng - Vâ rak vế tơniăn ăm kế kâ, kơdroh mâu tơmeăm kâ ki hmâ chiâng pro hơ-ou, pôu ‘mêi tung roh Têt Ất Tỵ ƀă Leh mơdĭng rơnó Hơngui 2025, Khu tơrŭm hnê mơhno cheăng xiâm Tơnêi têa ‘na rak vế krúa, tơniăn lĕm kế kâ, hdrối mê, hiăng mơjiâng 5 khu ki lăm séa mơnhên ngăn rêm khu râ troh a 10 kong pơlê, pơlê kong kân ing râ kong pơlê, pơlê kong kân, pơlê kong kơdrâm troh a râ cheăm, bêng.

VOV4.Xơ Đăng - Rơneh kuăn ki ôh tá tŭm khế cho môi tung mâu tơdroăng ki khăng tơbrĕn ‘na rơneh kuăn ki rơ-iêo, mơni kô tơdjâk kân troh ivá, châ chăn dêi tá ngế nôu ƀă ngế kuăn. Tiô mâu ƀok thái pơkeăng ngăn ‘na kơvâ rơneh kuăn, rơneh kuăn ôh tá tŭm khế dế rế hía rế hên tung pơlê pơla nôkố. Xua mê, mâu nôu kal tăng ‘nâi xiâm kối, tơdroăng ki ăm hlo ƀă mâu túa ki hbrâ ví rơnêh kuăn ôh tá tŭm khế vâ ai môi rôh rơneh kuăn tơniăn.