VOV4.Xơ Đăng - Mâu hâi ki kố, kơvâ ngăn ‘na pơkeăng ƀă khăm pơlât kong pơlê Dak Lak dế pêi pro hên tơdroăng cheăng vâ rak tơniăn ăm tơdroăng tơdah pơlât mâu ngế ki châi tamo râ. Ing mâu hngêi pơkeăng kân a pơlê kong kơdrâm Buôn Ma Thuột troh a mâu hngêi pơkeăng tơring, cheăm pơrá hiăng hbrâ tơnáu mâu tơdroăng ki vâ hbrâ pơlât tơdrêng, gum kuăn pơlê vâ ai môi rơnó Têt ki hơniâp ro, tơniăn lĕm.

VOV4.Xơ Đăng - Vâ rak vế tơniăn ăm kế kâ, kơdroh mâu tơmeăm kâ ki hmâ chiâng pro hơ-ou, pôu ‘mêi tung roh Têt Ất Tỵ ƀă Leh mơdĭng rơnó Hơngui 2025, Khu tơrŭm hnê mơhno cheăng xiâm Tơnêi têa ‘na rak vế krúa, tơniăn lĕm kế kâ, hdrối mê, hiăng mơjiâng 5 khu ki lăm séa mơnhên ngăn rêm khu râ troh a 10 kong pơlê, pơlê kong kân ing râ kong pơlê, pơlê kong kân, pơlê kong kơdrâm troh a râ cheăm, bêng.

VOV4.Xơ Đăng - Rơneh kuăn ki ôh tá tŭm khế cho môi tung mâu tơdroăng ki khăng tơbrĕn ‘na rơneh kuăn ki rơ-iêo, mơni kô tơdjâk kân troh ivá, châ chăn dêi tá ngế nôu ƀă ngế kuăn. Tiô mâu ƀok thái pơkeăng ngăn ‘na kơvâ rơneh kuăn, rơneh kuăn ôh tá tŭm khế dế rế hía rế hên tung pơlê pơla nôkố. Xua mê, mâu nôu kal tăng ‘nâi xiâm kối, tơdroăng ki ăm hlo ƀă mâu túa ki hbrâ ví rơnêh kuăn ôh tá tŭm khế vâ ai môi rôh rơneh kuăn tơniăn.

VOV4.Xơ Đăng - Ing apoăng khế 12, Khu xiâm ngăn ‘na pơkeăng ƀă khăm pơlât tơnêi têa hiăng tơrŭm ƀă Vi ƀan hnê ngăn Pơlê kong kân Hà Nội tơkŭm po Leh mơhnhôk Pêi cheăng dêi Tơnêi têa ‘na Pơ’leăng mâ mơngế ƀă koh tơbâ Hâi Pơ’leăng mâ mơngế Việt Nam (26/12) hơnăm 2024 dó inâi: “Thăm mơdêk ki dâi khât ‘na kơxô̆ kuăn pơlê vâ tơnêi têa chiâng kro mơdrŏng, rơpŏng hngêi hơnâp niân”. Vâ hnoăng cheăng rak ngăn ‘na kơxô̆ kuăn pơlê châ tơƀrê, kơvâ ngăn ‘na pơkeăng ƀă khăm pơlât kal athế kơdo mơ-eăm vâ tŏng gum ‘na tơdroăng ki ối trâm pá mê.

VOV4.Xơ Đăng - Drêng troh a rơnó Têt, lơ a rơnó tô mơdrăng, Hngêi pơkeăng kân Kơpong Tây Nguyên  đi đo tơdah pơlât hên ngế ki tro rong a mâ, chêng, kŏng, klêa xua ing tơdroăng xah ‘nêk mlŏi. Mâu hbáu ki tro rong xua mlŏi pro mê, ti xê to pro ‘mêi ăm ivá châ chăn, châi heăng tung châ, mê ối pro tuăn hiâm rêm ngế thăm rế xâu préa, tơdjâk troh tuăn ngôa dêi ngế ki tro rong ƀă nôu pâ, rơpŏng hngêi

VOV4.Xơ Đăng - Môi ngế o kŭn kơnốu 14 hơnăm a tơring Ea Hleo, Dak Lak, nếo châ thâ pơlât a hngêi pơkeăng kân kơpong Tây Nguyên klêi kơ’nâi roh mlŏi pơtôu.

VOV4.Xơ Đăng - Tiô tơdroăng tơbleăng ‘na ivá vâi droh rơtăm, vâi o phô̆m  xông kân mơngế Việt Nam dêi Viê̆n hnê hriâm ‘na pơlê pơla ăm ‘nâi: Tuăn ngôa, ivá dêi vâi droh rơtăm, vâi o phô̆m xông kân nôkố dế trâm hên tơdroăng phá tơ-ê, tung mê, ai 1/5 vâi o phô̆m xong kân ôh tá tơniăn  tuăn ngôa, 8,4% vâi droh rơtăm, vâi o phô̆m xông kân hiăng châ hriâm hlê  tơdroăng rêh ối, ki rơhêng vâ tối tuăn tơmiât tơchĕng ƀă ‘na pêi pro mâu tơdroăng. Xua tơdroăng lối kơdo mơ-eăm hriâm tâp, ƀă tơdroăng ki hmâ ôh tá châ trâm mâ, tơpui tơno, mơhnhôk thế dêi nôu pâ, ing mê, hiăng pro vâi o phô̆m xông kân chiâng préa xâu, khéa hơ’nêng vâi tâ dêi tơná môi tiah ôh ta ai nôu pâ kring vế, rak ngăn, lông mơhnhôk, tơno tơnêng. Kal athế pro tơdroăng klâi vâ gum ăm tuăn ngôa vâi droh rơtăm, vâi o phô̆m vâ xông kân

VOV4.Xơ Đăng - HIV cho pơreăng chiâng tâ tú rơ-iêo tơdjâk troh ivá ƀă tơdroăng rêh dêi ngế ki tro. Laga, mâu hơnăm achê kố, HIV ôh ti xê cho túa pơreăng ki xâu môi tiah hên ngế tơmiât xếo xua hiăng ai pơkeăng mơdât virus HIV (ARV) pro mơdât virus HIV/AIDS tiô túa ki tơƀrê. Ngế ki tro HIV kơnôm mê kô kâi rak tơniăn tơdroăng rêh ối môi tiah mâu ngế ki ê. Vâ ai tơdroăng ki mê, ki kal cho mâu ngế ki mơni kô tơ’lêi tro kal hbrâ rơnáu séa ngăn mơheăm vâ ‘nâi HIV.

VOV4.Xơ Đăng - Kéa trĭng a vâi hdrêng tơxĭn cho pơreăng ki hmâ trâm a vâi hdrêng ki nếo kot mâ. Hmâ trâm a dâng 60% ngế hdrêng tŭm kế ƀă 80% ngế hdrêng ki ôh tá tŭm khế. Kéa trĭng vâi hdrêng ai péa kơlo ôh tá râ (kéa trĭng ôh ti xê pơreăng) cho râ (kéa trĭng xua pơreăng). A kơlo ki râ, tâng ôh tá rĕng châ ‘nâi ƀă teăm pơlât tơdrêng, pơreăng mơni kô pơhlêh chiâng rế râ, hdrêng mơni kô hlâ lơ chiâng ‘mêi troh a ngoâ troh tá ah. Xua mê, tơdroăng ki hlê plĕng ‘na ki ăm hlo pơreăng ƀă pơlât teăm tơdrêng cho kal khât vâ rak vế ivá châ chăn ăm vâi hdrêng.

VOV4.Xơ Đăng - Pơreăng nŭm nheăn, hmâ khĕn cho tung têa nŭm ai xik ngeăm cho pơreăng ôh tá chiâng pơlât prêi, kơxô̆ ngế tro, ƀă ki pơhlêh chiâng râ ah hlối hlâ hên. Maluâ rơ-iêo la pơreăng kố gá ôh tá ăm kơbố ‘nâi, ki hên mâu ngế ki tro drêng ‘nâi tơná tro drêng hiăng ai hneăng ki râ, hên tơdroăng ki pơhlêh. Xua mê rĕng ‘nâi tơdroăng ki ăm hlo dêi pơreăng ƀă pơlât teăm tơdrêng cho tơdroăng ki kal khât vâ rak vế ivá.