Kố cho kŏng ngê̆ tŏng gum pâ p-ơlât khúc xă tích hợp AI dế châ po rơdâ xúa tung lâp plâi tơnêi ƀă a mâu kơphô̆ kân a Việt Nam; laga cho roh apoăng châ xúa a kơpong Tây Nguyên. Kơmăi ki Hngêi pơkeăng pơlât mâ Tây Nguyên xúa cho VisuMax 800, kơmăik pâ pơlât khúc xạ nếo, xúa kŏng ngê̆ laser rĕng má môi ƀă tro má môi. Ƀă chô pâ pơlât, kơlo ki tơbriât hdi iâ, xúa kơmăi kố gum mơdêk ki tơniăn lĕm ƀă kơdroh hâi khế ki lĕm klêi pâ pơlât.

Tơdroăng xúa phân mêm VisuMax 800 xúa pơlât mơnhên tơdroăng ki tơtêk kal khât tung kơvâ pâ pơlât mâu tơdroăng châi ‘na mâ a Dak Lak, pro tơ’lêi hlâu vâ kuăn pơlê kơpong Tây Nguyên châ pơlât mâ rơxông nếo a kong pơlê. Ƀok thái pơkeăng Trần Đình Tuấn, Kăn pơkuâ Hngêi pơkeăng pơlât mâ Tây Nguyên tối ăm ‘nâi kơmăi kố gum pơlât mâ hlo achê ƀă loăn thĭ râ pá kơdâm 10giây/môi mâ, xua mê kô tơtro ƀă mâu ngế ối nếo.