A rôh tơdah, pôa Phạm Minh Chính, Ngế pro xiâm hnê ngăn tơnêi têa  khĕn kơdeăn tơdroăng kơdôu mơ-eăm ƀă ai hnoăng veăng ‘no dêi Kăn teăng mâ Hàn Quốc tung tơrŭm mơnhông péa tơnêi têa, ai pơxúa tung hên kơvâ cheăng. Vâ pơtói mơdêk tơrŭm cheăng tung tŭm tơdroăng.

Ngế pro xiâm hnê ngăn tơnêi têa pơkâ thế péa pâ mơdêk kơxô̆ liăn châ xo tung tê mơdró rĕng châ 100 rơtal dollars ƀă kô châ troh 150 rơtal dollars a hơnăm 2030 tiô hnê mơhno tơdâng tơ ‘mô; mơhnhôk khu mơdró Hàn Quốc po rơdâ ‘no liăn cheăng a mâu tơdroăng bán dẫn pro tơmeăm chiâng hrik, xup xo, kŏng ngê̆ ki xiâm, on tơhrik ‘mâi vê pro ƀă hía hé.

Malối, xua ai tơdroăng ôh tá tơniăn a kơpong Trung Đông, Ngế pro xiâm hnê ngăn tơnêi têa pơkâ thế péa tơnêi têa rơtế tơrŭm cheăng krá vâ hbrâ ví ƀă pơloăng mơnúa nôkố, malối cho tung tơdroăng pro tơniăn on tơhrik tơnêi têa, pơtối mơnhông cheăng kâ ƀă tơniăn tung rêh ối dêi kuăn pơlê.