A rôh tơdah, pôa Phạm Minh Chính, Ngế pro xiâm hnê ngăn tơnêi têa ăm ‘nâi, tơrŭm cheăng pơla Việt Nam - Belarus hiăng pơ’lêh lĕm tung pơla hdrối nah. Péa pâ đi đo tơpui tơno ƀă hlối trâm mâu kăn xiâm; mơdêk trâm mâ tung rôh po mâu hneăng hôp lâp plâi tơnêi ƀă hneăng hôp pơla péa pâ.

Ngế pro xiâm hnê ngăn tơnêi têa púi vâ péa pâ mơdêk tơrŭm cheăng ‘na lêng, kring vế tơniăn, malối cho mơdêk hnê hriâm hnê mơjiâng mâu ngế pro kăn ƀô̆ mơnhên luât, ing mê pro rôh tơrŭm cheăng tung la ngiâ.

Ngế pro xiâm hnê ngăn tơnêi têa tối tiah kố, luât Vi ƀan tơrŭm cheăng Chin phuh châ pơtối rak vế đi đo, péa pâ kal pơtối rak tơniăn ‘na mơnhên luât, pro hlâu ăm mâu kăn ƀô̆ Việt Nam lăm hriâm, tăng ‘nâi plĕng a Belarus vâ mơdêk hlê plĕng dêi kơvâ cheăng mơnhên luât, tơniăn tơdroăng mơnhên ngăn châ tơbleăng rĕng pêi pro, teăm tơdrêng hlối tơbrê.