VOV.Xơ Đăng - Rơxok khăng kơbrĕn cho môi túa tamo rơxok ki râ, pro trâm hên tơdroăng ki pá ‘na ivá châ chăn ngế ki tro. Kố cho túa châi athế pơlât đi đo, troh tá ah la tơdroăng ki pá nôkố ai chía hên ngế ki tro ôh tá pêi tiô pơkâ dêi ƀok thái pơkeăng pơlât thế, pro tơdroăng châi mê chiâng ôh tá tơniăn mê ối vêh tro nếo hên xôh pro chiâng rế râ tơ’nôm mâu tơdroăng ki mơhno ăm hlo dêi tơdroăng châi.

VOV.Xơ Đăng - Ƀaoh hiêm khăm pơlât cho túa ƀaoh hiêm rak ngăn ivá châ chăn xua Tơnêi têa tơkŭm po, pêi pro, ôh ti xê to vâ pơxúa liăn ngân. Kố cho troăng pơkâ ki kal tung tơdroăng rak ngăn ivá châ chăn pơlê pơla. Hâi lơ 27/11/2024, Luât ‘mâi pơhlêh, ‘mot tơ’nôm mâu tơdroăng dêi Luât Ƀaoh hiêm khăm pơlât hơnăm 2024 păng ‘nâng châ Kuô̆k hô̆i tơbleăng ƀă xêt khât xúa sap ing hâi 01/7/2025 hiăng pro chiâng tơdroăng pơhlêh kân tung tơdroăng pơhlêh túa rak ngăn ivá châ chăn tâi tâng kuăn pơlê. Luât ai hên tơdroăng ki nếo kơjo, tơmiât troh po rơdâ ƀă pơhlêh hnoăng pơxúa ăm ngế ki roê Ƀaoh hiêm khăm pơlât. Kơ’nâi kố ngế chêh hlá tơbeăng ‘na tơdroăng ki roê Ƀaoh khăm pơlât a kong pơlê Dak Lak.

VOV.Xơ Đăng - Tơdroăng tâ tú dêi pơreăng lo xêi troh a hâi kố xuân tá hâi teăm chu kơdroh, mơhé Khu xiâm ngăn ‘na pơkeăng ƀă khăm pơlât hiăng rĕng pâk pơkeăng hbrâ mơdât pơreăng lo xêi ăm vâi ‘nĕng ki 6 khế, ƀă hnối hbrâ mơdât pơreăng tơngê lo mơheăm, la mơngế ki tâ tú pơreăng lo xêi xuân pơtối tâk hên pơla vâ chê troh rơnó mê hngê. Drêng hlo ai pơreăng tâ tú, Pơlê kong kân Hồ Chí Minh hbrâ mơdât hên troăng hơlâ vâ mơdât pơreăng, ing mê, thăm pro pá ăm khu hngêi pơkeăng ki khăm pơlât.

VOV.Xơ Đăng - Tung pơla hdrối nah, kơxô̆ ngế tro pơreăng lo xêi a Lâm Đồng tâk hên, ƀă vâ chê 1.000 ngế.

VOV.Xơ Đăng - Pơreăng lo xêi xuân dế pơtối tâ tú, pro ôh tá tơniăn tung lâp tơnêi têa tối tơdjuôm, a kong pơlê Dak Lak tối krê. Vâ rĕng kâi hbrâ mơdât pơreăng, kơdroh kơxô̆ ngế tro, ƀă hlo, kơvâ ngăn pơkeăng pơlât kong pơlê Dak Lak hiăng pêi pro kơtăng ‘na tơdroăng ki hnê mơhno dêi Ngế pro xiâm hnê ngăn Chin phuh, Khu xiâm ngăn pơkeăng, Vi ƀan hnê ngăn kong pơlê Dak Lak tung hnoăng cheăng hbrâ mơdât pơreăng, tơdah xo, pơlât ngế ki tro pơreăng.

VOV.Xơ Đăng - Hdrối rôh hôp má 9, Kuô̆k hô̆i hneăng 15, Khu kăn Kuô̆k hô̆i kong pơlê Dak Lak hiăng tơkŭm po hôp trâm mâ kuăn pơlê tơpui ‘na tơdroăng pơkeăng khăm pơlât.

VOV.Xơ Đăng -  A kong pơlê Gia Lai nếo châ hlo môi ngế vâi hdrêng tro pơreăng hlâ nhôm tro tâ pơreăng lo xêi pro chiâng râ.

VOV.Xơ Đăng - VOV.Xơ Đăng - Mâu hơnăm hdrối mê hía nah, mơngế ki tro pơreăng lo xêi a kong pơlê Dak Lak pơtối hlo rế hiá rế hên, kơdrâm vâi hdrêng kŭn athế mot pơlât tung hngêi pơkeăng drêng hiăng râ, thăm nếo pro tơ’lêi chiâng ai tơdroăng ki xâu xía. Tung lâp tơnêi têa, pơreăng lo xêi xuân dế pơtối tâ tú nếo. Hlo ai tơdroăng kố, Khu xiâm ngăn ‘na pơkeăng ƀă khăm pơlât hiăng ai hlá mơ-éa chêh pơtroh thế mâu hngêi pơkeăng, tíu khăm pơlât hbrâ mơdât tơdroăng ki tro tâ tú pơreăng lo xêi, xua pơla kố dế hlo ai hên mâu ngế ki tro pơreăng mê.

VOV.Xơ Đăng - Pơreăng kơ-o êi xôu tâ tú ing hdroâng hdrê xua vi khuẩn pro. Kố cho túa pơreăng châ pơtih môi tiah “ngế ki kơdê mơngế ôh tá ai kơbố ‘nâi” xua pơreăng kơ-o êi krôk ôh tá pro hlâ tơdrêng mê hmâ pro mơdon khế hơnăm, pro châ chăn chiâng rế hía rế hriâ, ôh tá ai ivá. Tơdroăng ki rĕng nâi ôh ti xê gum kơdroh ki tâ tú ăm pơlê pơla mê ối gum thăm mơdêk kơxô̆ ngế pơlât châ prêi lĕm. La tơrôu, tâng hrá ‘nâi ôh tá teăm châ pơlât, pơreăng kố kô pơhlêh tơdjâk rơ-iêo troh ivá, tơdroăng cheăng ƀă liăn ngân rơpŏng hngêi.

VOV.Xơ Đăng – Kong pơlê Dak Lak hiăng pêi pro klêi tơdroăng pâk vaccine lo xêi ăm kơxô̆ ngế pâk châ 96%, châ a kơlo ki kâi hbrâ mơdât.