Dak Lak hbrâ séa ngăn mơdât pơreăng tâ tú a vâi hdrêng
Thứ năm, 05:00, 09/04/2026
Tơplôu: Gương/VOV
Tơplôu: Gương/VOV
VOV.Xơ Đăng - Tung pơla tro tâ tú pơreăng thĕn kŏng chêng rơkong, lo kơtuâ ‘mêi ƀă tơngê lo mơheăm a vâi hdrêng dế tâk hên, pro rơ-iô chiâng tâ tú tung lâp lu, kơvâ ngăn pơkeăng Dak Lak dế thâ tơbleăng pêi tơdrêng mâu troăng hơlâ séa ngăn mơdât pơreăng.
Ki xiâm cho mơdêk xo pơlât ăm mâu ki tâ tú, kơhnâ mơgrúa lĕm hngêi trăng tíu ối, séa ngăn nhên ƀă tăng troăng kâi mơdât xiâm pơreăng tâ tú. Sap apoăng hơnăm troh nôkố, Dak Lak tối ai 5 tíu tâ tú pơreăng thĕn kŏng chêng rơkong ƀă dâng 700 ngế tâ tú a hên kong pơlê; ai 26 ngế lo kơtuâ ‘mêi ƀă vâ chê 600 ngế tơngê lo mơheăm, tâk hên tâng vâ pơchông ƀă hơnăm hdrối.
Tíu xiâm ngăn mơdât pơreăng kong pơlê Dak Lak hiăng mơjiâng khu lăm tăng ngăn hlối hnê kuăn pơlê mơdêk hlê plĕng hbrâ mơdât pơreăng. Pakĭng mê, xoăng pơkeăng xoh kơdê pơreăng a mâu tíu vâ hbrâ mơdât pơreăng.
Viết bình luận