Hdrối mâu pơkâ ki thâ tung tơdroăng tah ‘’theh trĭng’’ dêi Vi ƀan châu Âu (EC), kong pơlê Dak Lak dế pêi pro tơdâng tơ’mô mâu troăng pêi tơnăng ká xi xŏng ôh tá tro luât, ôh tá tơbleăng ƀă ôh tá tiô pơkâ (IUU), ƀă ki xiâm cho pơkuâ khu tuk ƀă tơdrăng xiâm kối ká xi xŏng . Lâp kong pơlê nôkố ai 2.576 tuk ká kĭ, tâi tâng hiăng châ ăm phêp tơnăng; tâi tâng mâu tuk sap ing 15 met tơngi klêng hiăng krâ kơmăi séa ngăn troăng prôk ƀă châ séa ngăn.

Sap hơnăm 2024 troh nôkố, khu cheăng hiăng pơxâu phâk 119 ngế pro xôi, ki hên tơdjâk troh hía ki tơdjêp kơmăi séa ngăn ƀă tơnăng ká xi xŏng xôi kơpong. Tơdroăng ki ti tăng xiâm kối châ pêi pro ƀă nhât kĭ điê̆n tưh, tơniăn pơkuâ krá tơniăn kơxô̆ ká xi xŏng hluâ kơno.

Hâi khế la ngiâ, kong pơlê Dak Lak pơtối pêi pro kơtăng séa ngăn, pơxâu phâk kơtăng tơdroăng pro xôi ƀă mơdêk pơtâng tối vâ mơdêk hlê plĕng kuăn pơlê tơnăng ká xi xŏng, la ngiâ tah ‘’theh trĭng’’ krá tơniăn