Tơdroăng ing Khu pơkuâ ‘na pêi chiâk deăng ƀă Kong prâi kong pơlê Lâm Đồng ăm hlo, ing apoăng hơnăm troh nôkố yă kế tơmeăm phon rơvât, pơkeăng rak vế hdrê kơchâi plâi pôm hiăng tâk tơdâng 10%, krê phon rơvât tâk dâng 17%. Tiô tối hdrối sap ing kố troh mơ’nui hơnăm, kơxô̆ liăn apoăng vâ pêi chiâk deăng kô tâk sap ing 3 – 5%, ai tơmeăm tâk troh 10%.

Mơhé yă liăn mơ’no apoăng vâ pêi tâk, kơvâ pêi chiâk deăng, cheăng rak ngăn kong, ká xi xŏng dêi kong pơlê Lâm Đồng xuân rak tơtêk tơniăn, châ 5,39% tung Pái khế apoăng hơnăm kố. Kơvâ pêi chiâk deăng ƀă kong prâi kô pơtối pêi pro mâu troăng ki tơtro vâ tŏng gum kuăn pơlê. Tơdrêng amê ki hên nôkố cho kơjo tơniăn kơxô̆ liăn pêt mơjiâng tơmeăm, hbrâ pêi pro mâu troăng kơdroh kơxô̆ liăn, pơkuâ krá tơniăn kế tơmeăm gum tung pêi chiâk deăng ƀă hnê mơhno kuăn pơlê pơhlêh, pêi tro tung pêt mơjiâng tơmeăm, têng uâ bro tơmeăm ăm tơtro./.