Kơxê lơ 7/4, a Hneăng hôp má môi, Kăn xiâm hnê ngăn tơnêi têa tơbleăng inâi tơbleăng vâ ăm rah xo vâ Kuô̆k hô̆i rah xo Ngế pro xiâm hnê ngăn Chin phuh hneăng hơnăm 2026 – 2031. Klêi kơ’nâi tơpui tơno, têk kŏng môi tuăn tơbleăng inâi, Kuô̆k hô̆i tơkŭm rah xo Ngế pro xiâm hnê ngăn Chin phuh ƀă tơdroăng ki tâ phĭu kí.

Klêi kơ’nâi tâ phĭu, pôa Lê Minh Hưng – Kăn cheăng tung Khu xiâm kal kí, Kăn pơkuâ hnê ngăn cheăng Đảng tơnêi têa, Kăn pơkuâ Khu tơkŭm po tơdroăng cheăng tơnêi têa, kăn teăng mâ Kuô̆k hô̆i hneăng má XVI châ Kuô̆k hô̆i rah xo pro Ngế pro xiâm hnê ngăn Chin phuh hneăng hơnăm 2026 – 2031. Tơdroăng pơkâ ‘na tơdroăng rah xo to pro Ngế pro xiâm hnê ngăn tơnêi têa ƀă pôa Lê Minh Hưng xuân hiăng châ Kuô̆k hô̆i tơbleăng ăm pêi pro ƀă 495/495 kăn teăng mâ veăng têk kŏng môi tuăn (ƀă 100% kăn teăng mâ ai mâ, châ 99% tâi tâng Kăn teăng mâ Kuô̆k hô̆i.

Pôa Lê Minh Hưng, Ngế pro xiâm hnê ngăn tơnêi têa ki nếo kot mâ hơnăm 1970; Pơlê xiâm: cheăm Tứ Mỹ, kong pơlê Hà Tĩnh; Hriâm lĭ luâ̆n kal kí: Cao cấp; hriâm tơdroăng cheăng: Thak sih Chính sách công; Đăi hok chuyên nganh Chính sách công, cưh nhân nâl kong têa Pơhlăng.