A rôh hôp, jâ Nguyễn Thị Thanh, Phŏ Kăn hnê ngăn Kuô̆k hô̆i  tối nhên, pơkâ ki kal nôkố cho mơjiâng tơnêi têa Việt Nam rơdêi, mơnhông rĕng ƀă krá, tung mê mơnhông krá rơtế ƀă mâu tơdroăng pơkâ rêh ối pơlê pơla ƀă kuăn mơngế. Troăng hơlâ pêi pro ôh tá pơtê xo kuăn pơlê pro xiâm, kuăn mơngế cho ki tơdế rá, cho xiâm pơkâ mâu tơdroăng vâ pêi dêi tŭm tơdroăng luât pơkâ. Vi ƀan Túa lĕm tro, Pơlê pơla rak hnoăng ki xiâm drêng pơkuâ pêi mâu tơdroăng ki tơdjâk troh tơdroăng rêh ối kuăn mơngế sap ing kot mâ ta troh drêng hlâ.

Vâ pê klêi mâu tơdroăng cheăng, Vi ƀan tơrŭm dêi rơpó, tối tơdroăng rơkê hmâ pêi, tơdroăng pơkâ má mơ’nui cho mơjiâng môi Kuô̆k hô̆i môi tuăn dêi rơpó, pêi cheăng rơkê plĕng, pêi cheăng tro luât pơkâ, pêi cheăng tiô túa nếo nôkố ƀă pêi cheăng xua kuăn pơlê, ôh tá lôi ăm luâ tŭm tơdroăng luât pơkâ ki lâi ôh ‘na mơnhông kuăn mơngế.