Sap apoăng hơnăm troh nôkố, kong pơlê Lâm Đồng xo pơlât lối 1.073 ngế thĕn kŏng chêng rơkong, dâng 95% ngế vâi hdrêng pá xôp 5 hơnăm. Tiô tối hdrối tung la ngiâ pơreăng kô pơtối tâk rơ-iô tâ. Vâ hbrâ mơdât pơreăng, Khu xiâm ngăn pơkeăng pơlât pâ thế Khu xiâm ngăn hnê hriâm ƀă hnê mơjâng tuăn ngôa rơkê hnê mơhno ăm mâu hngêi trung, malối hngêi trung hnê mầm non ƀă râ má môi, tơbleăng pêi kơtăng hbrâ mơdât pơreăng, ki xiâm cho pêi pro tơdroăng “3 krúa”, krúa kâ ôu, ối krúa ƀă kơpeăng kŏng xếo lĕm krúa.

Khu xiâm ngăn pơkeăng pơlât xuân pâ thế kơvâ ngăn hnê hriâm tơrŭm ƀă kơvâ ngăn pơkeăng tung hnê, tăng ngăn hlối xôh pơkeăng tíu tâ pơreăng, hnê ăm mâu thái cô, nôu pâ hok tro ‘nâi xiâm ki hdrêng pơxiâm tâ pơreăng  ƀă hnê  hbrâ mơdât.