VOV.Xơ Đăng - Tung tơdroăng rơngê rơngối dêi mâu hdroâng kuăn ngo Tây Nguyên, rêm thông têa kroăng, rêm kơdung ngo kân xuân rơtế hmâ ƀă mâu tơdroăng hơ’muăn ton nah ki ối trâu tung hiâm mơno. “Xiâm kối khoh ai têa Krông Buk’’ dêi kuăn ngo Rơđế cho môi tung mâu tơdroăng hơ’muăn ki mê, tối ‘na tơdroăng vâ dêi rơpó, la troh mơ’nui vâi ôh tá châ xo dêi pó, pơla prế nâ o H’Ring, H’Rao ƀă ngế rơtăm xeăng têa cho tăm Y Krông-cho xeăng têa.