VOV.Xơ Đăng - Tiô tơdroăng xôi kiâ roh nah dêi mơngế Bơhnéa, kơpong tơnêi Vĩnh Thạnh ai inâi dó cho Kơnâng Ta Kơn (dêi kong pơlê Gia Lai) pơxiâm ing tơdroăng ai mâ dêi môi to hmốu kân a tơdế kong ngo lĕm krip tơdrŏm. Tíu kố rơtế ƀă tơdroăng hơ’muăn tối ‘na pái ngế nhŏng o Drum, Drăm ƀă Apía Prai Pnang ki lĕm rơduăng. Kơnôm môi tuăn, môi mơno kring vế pơlê pơla, prế nhŏng o Drum ƀă Drăm hiăng rơtế ƀă vâi krâ nhŏng o xông pơplâ xâ, pro pơxúa tơdroăng rêh ối hơniâp ro ăm kuăn pơlê a tơdế kong ngo. Tơdroăng hơ’muăn mê troh nôkố xuân ối châ mơngế Bơhnéa hmâ hơ’muăn ngăn môi tiah tơdroăng pơto pơtih ‘na hiâm mơno khên tơnôu ƀă ki tơrŭm dêi rơpó tung pơlê cheăm.