VOV.Xơ Đăng - Tơdroăng xôi kiâ “tê dêi xâk vâ rơmet kế kâ ăm dêi pú” cho vâ mơhno tối tơdroăng ki ai tuăn i hiâm tơdrăng khât, hiâm tuăn ki hlế rơkê kơ nhŏng o ƀă pú hmâ tơdjuôm, tơveăng gum dêi pó tung pơla trâm hên tơdroăng xahpá, tơdrêng amê, hnối hnê tối ‘na tơdroăng mâ ta kơbi, kí ki dêi tuăn i hiâm, hnoăng tơná, bú ‘nâi pro ai pơxúa ăm to dêi châ tơná.

VOV.Xơ Đăng - Rêm thông têa kroăng, tơnêi kong ngo a Tây Nguyên pơrá xuân ai mâu tơdroăng xôi kiâ. Hâi kố, pó vâi krâ nhŏng o ƀă pú hmâ vêh tơmâng ngăn a kơpong tơnêi Dak Lak nah, tíu ki ai tơdroăng xôi kiâ prế droh rơtăm vâ dêi rơpó păng ‘nâng, cho Apía H’Leo ki lĕm rơduăng ƀă tăm Y Rit khên tơnôu, pôu râng dêi mâu tơdroăng ‘na prế vâ dêi rơpó mê, prế hiăng hlâ chiâng môi to thông têa kroăng Ea H’Leo, inâi ki mê xuân u ối troh a hâi kố.

VOV.Xơ Đăng - Tung tơdroăng xôi kiâ dêi kuăn ngo M’Mông “Tơpái prế Klá” cho tơdroăng hơ’muăn ki ro, pơ-eăng tơdroăng rơkê, ƀeăn, ƀĕng, hlĕng ƀă hiâm mơno khên tơnôu, méluâ vâ ai tơdroăng pơloăng mơnúa pá puât tung rêh ối.

VOV.Xơ Đăng - Tung tơdroăng xôi kiâ dêi kuăn ngo K’Ho “Kơchiâk xo kuăn mơngế” cho tơdroăng hơ‘muăn ki ro, ai hên roh ki lĕm tơviah ‘na kong kế Tây Nguyên. Tơdroăng hơ’muăn ’na ngế droh Ka Nhồng têm rơpiêt trâm pá, ối tung dế kong ilâng kân ƀă châ môi to kơchiâk kŭn rơkê plĕng tŏng gum hluăn ing kiâ ‘mêi. Sap ai tơdroăng rơ-iô mê, tơdroăng hơ‘muăn pơ-eăng hiâm mơno lĕm khên tơnôu, tuăn rơkê ƀeăn, ‘nâi hơ-ui mơngế ƀă cho ƀai hriâm ’na tơdroăng rêh ối ’nâi tơrŭm môi tuăn, ôh tá tơklâ dêi pó tung plâ rơxông ối rêh.

VOV.Xơ Đăng - Sap ing ton tĭn chal vâi krâ nah, ai prế nhŏng o inâi cho Tung prế Xết, mơngế Tơ Drâ (môi hdrông dêi kuăn ngo Rơteăng), vâi ô eăng prế ai ivá châ chăn, mo rơdêi têi ‘răng, khên tơnôu ƀă hlối rơhêng vâ tăng troăng tơveăng gum pơlê. Tung rôh prôk tiô bối môi to rui kong ki tro rơto kân, prế kơdrâ hlo kơtóu hmốu kân a tơnêi. Ing tuăn vâ ƀă mơ-eăm, hlối môi tiah ai xeăng hnê tối ăm prế ‘nâi, mê prế nhŏng o hiăng tăng troăng ki tiâm tơmeăm ƀă meăm hmốu ki prế châ hlo, mơjiâng pro chông, vok, hdrê, ‘nêk roh apoăng mê nah.

VOV.Xơ Đăng - Tơdroăng hơ’muăn dêi kuăn ngo Bơhnéa “Xiâm kối kôa hât” ôh ti xê to tối ‘na xiâm rêi dêi môi tơmeăm xúa ki hmâ ƀă ối pơ-eăng ki tơrŭm, hiâm mơno lĕm ƀă tơdroăng rêh ối tung pơlê dêi mơngế Bơhnéa a Tây Nguyên. Ing um méa kơnoh on a kuât, idrâp chêng koăng ƀă kôa pơtroh ăm dêi rơpó, tơdroăng hơ’muăn mơhno ƀai mơhriâm ‘na tuăn pâ dêi kuăn mơngế, ki tơdrăng khât ƀă ki lĕm tro tung rêh ối dêi mơngế Bơhnéa.

VOV.Xơ Đăng - Tơdroăng hơ’muăn “Dôh Klá” cho môi tơdroăng hơ’muăn ki ôh tá ai khât la xuân hmâ tâng hơ’muăn tung tơdroăng rêh ối dêi kuăn mơngế. Ing um méa ngế dôh pôa klá, tơdroăng hơ’muăn vâ pơ-eăng hiâm mơno lĕm têm, kơhnâ pêi cheăng ƀă pơchân kuăn mơngế pôu tá ngăn to a châ chăn ki mâ hlo a ngâ vâ tối mơngế ki ê.

VOV.Xơ Đăng - Tơdroăng hơ’muăn “Jâ Nhâ Krái”- tơdroăng hơ’muăn mê vâ hnê ăm pin ‘na túa pêi cheăng kâ dêi vâi krâ rôh nah, hlối pơ-eăng hiâm mơno têm rơpiêt, hlối ‘nâi rêh ối lĕm ƀă nhŏng o tung pơlê.

VOV.Xơ Đăng - Xôi kiâ dêi vâi krâ nah cho vâ hơ’muăn tối ‘na Klá ki krâ ‘mêi, đi đo ngăn dêi tơná ó rơdêi má môi tung kong kế, laga tro Tơpái ki kŭn xua ai tuăn ngôa hlĕng rơkê, hiăng pro Klá thu xêh.

VOV.Xơ Đăng - Xôi kiâ vâ hơ’muăn tối ƀai mơhriâm ki ai pơxúa ‘na ihiâm tuăn lĕm, tơdroăng tơveăng gum ‘na tơdroăng ki hnó dêi hiâm mơno rơhăm git kơ tơmeăm.