VOV4.Xơ Đăng – Tơdroăng hơ’muăn “Plôi nôu” dêi hdroâng M’Nông cho vâ tối ki xiâm rêi khoh ai mâu hdroâng nhŏng o pơrá dêi rơpó a tơnêi têa Việt Nam. Tơdroăng hơ’muăn kố xuân vâ hnê tối nôu pâ, kuăn ‘nĕng, nhŏng o môi klêa môi kliâm athế ‘nâi hơ-ui pâ, mơjo plĕng dei pó. Tung pơla athế tơrŭm, mơjiâng tơdroăng rêh ối phâi tơtôu, ôh tá tăm nâ, tơklâ.

VOV4.Xơ Đăng – Xiâm kối khoh chiâng ai khôi hlŭm hlá cho tơdroăng xôi kiâ dêi hdroâng Hmông, vâ hơ’muăn tối ‘na môi ngế rơtăm khên tơnôu tŏng xo Apía chal ki mê nah dêi hdroâng Hmông. Xua ing Pôa Xeăng hnê tối thế hlŭm hlá drêng prế vâ tơpui dêi pó, mê troh chal nôkố vâi droh rơtăm Hmông xuân ối rak vế tơdroăng hlŭm hlá mê.

VOV4.Xơ Đăng – Tơdroăng xôi kiâ hdroâng Rơđế, pôa Msih cho tơdroăng hơ’muăn vâ pơchân rêm ngế, tung tơdroăng rêh ối vâ ai kế kâ, kế kơdĭng, kuăn mơngế athế hriâm, athế kơhnâ, pôi tá klâi. Tơdroăng kơhnâ mơeăm kô pơtroh ăm kuăn mơngế hlê plĕng hên ‘na pêi cheăng kâ, tuăn mơno vâ mơnhông rêh ối.

VOV4.Xơ Đăng – Tơdroăng hơ’muăn “Kuăn pơlê kơtiê ƀă Xeăng plêng”, tối ‘na môi ngế hok tro kơtiê lăm a têa kơxĭ tăng Xeăng plêng vâ êng ti lâi hiăng luâ pái rơxông la xuân ối kơtiê. A troăng prôk, trâm hên ngế xuân kơnôm ngế hok tro êng Xeăng plêng tiâ mâu tơdroăng ki vâ dế kal vâ ‘nâi. Drêng trâm Xeăng plêng, xua ngoh êng tơdroăng cheăng ăm vâi

VOV4.Xơ Đăng – Hơ’muăn “Tơtrâu ƀă Tăm Lúa” dêi hdroâng M’Nông cho tối ‘na ngế rơtăm ki lúa lăm tăng dêi kơdrâi. Tơkâ luâ hên tơdroăng xơpá, xâu xía, kơnôm ai hnoăng veăng kum dêi mâu kuăn kiâ, mơngế rơtăm ki lúa hiăng châ trâm dêi kơdrâi, ƀă châ kơdrâi xeăng, cho chêm tơtrâu ôh tá ‘nhó, prế rêh ối tơdjuôm ƀă dêi rơpó hơniâp troh krâ.

VOV4.Xơ Đăng – Tơdroăng hơ’muăn hdroâng M’Nông “Chĕn xua ka báu, tơpuâ to chêl ƀă chêng” vâ hơ’muăn ‘na môi ngế rơtăm kuăn tê rêh kơnôm a pêi chiâk vâ păn roăng, rak ngăn dêi châ. Kơnôm ai to mê tăm khoh châ tơ tơpuâ to ki ka báu dêi tơná, khu to hiăng chêl chĕn ƀă chêng kơnía. Ing mê, kuăn mơngế chiâng ai kơtum chêng ki 6 kơtâ, khu to ôh tá kâ báu

VOV4.Xơ Đăng – Um méa eăng bâ dêi mâ khế hiăng mot tung tơdroăng pro rơngêi ting ting tiô tơdrá ton nah dêi Việt Nam. Ai hên tơdroăng hơ’muăn ‘na eăng bâ dêi mâ khế châ rak hơ’muăn ing rơxông kố troh rơxông ki ê. Ƀă kuăn pơlê mơngế Thái, khế mơniâ klêi mê khế kơpeăng rơtế ƀă tơdroăng hơ’muăn ki le\m ‘na droh rơtăm hmâ dêi rơpó, vâ dêi rơpó.

VOV4.Xơ Đăng - Tơdroăng hơ’muăn “Rơtăm K’Srai dêi kuăn ngo K’Ho tơkéa vâ tối ‘’ hơ’muăn ‘’xiâm kối mơngế Lạch” a pơlê xiâm Lang Biang, dêi kong pơlê Lâm Đồng. Hơ’muăn ‘na kuăn kơnốu dêi jâ xeăng mâ hâi, tung môi rôh lăm hêi a rŏng tơnêi hlối chiâng vâ kơ ngế droh ki lĕm rơduăng Chư Lang Biang, mê cho Rơtăm K’Srai.

VOV4.Xơ Đăng – Tơdroăng hơ’muăn “Prâng ko klá” dêi hdroâng M’Nông cho vâ hơ’muăn ‘na ngế rơtăm kuăn roăng dêi rơpŏng pôa Nra prếi jâ Nrin, inâi tăm ki mê cho NJong ki khên tơnôu, prâng ko klá vâ tŏng xo H’Jang ki lĕm rơduăng dêi kăn chu leăng ƀă kum kuăn pơlê.

VOV4.Xơ Đăng - Thăm Pía Têa ƀă Kuăn Droh Xeăng Mâ Hâi cho tơdroăng hơ’muăn dêi hdroâng Kơ Tu. Tơdroăng hơ’muăn kố cho vâ tối ‘na on veăng hơnăm ối nếo ƀă pơxâu phak mâu ngế ki rơhăm git kơ tơmeăm, pơkrip mơnhôm, vêh mơjiâng tơdroăng hơniâp ro ăm kuăn pơlê.