VOV4.Xơ Đăng - Tơdroăng hơ’muăn “Hlá pơlêu plâi cau” dêi kuăn ngo Cơ Tu hơ’muăn ‘na prế on veăng Tăm Pah ƀă Apía Bum Viêm. Klêi ngế kơdrâi hlâ hiăng châ pôa Na tŏng kum xo pro dêi kơdrâi tơná. Hâi pơkoăng, pôa Na krếo Tăm Pah troh ƀă tiô tối hdrối prếi tơxiăn tôu pâm dêi rơpó. Apiá Bum Viêm hlo ti mê hiăng xo mâu tơdrong pơkeăng ki hiăng hbrâ hdrối hvât Tăm Pah chiâng plâi cau, pôa Na chiâng hmôu puâ, Apía chiâng kơxái hlá pơlêu ƀă péa ngế kuăn chiâng póu pêi hlá plâi pơlêu. Ing tơdroăng hơ’muăn mê hiăng tối ăm pin ‘nâi xiâm rêi ti lâi chiâng ai tơdroăng kâ hlá plâi pơlêu nôkố a mâu ngế Cơ Tu xuân môi tiah mơngế Xuăn.