VOV4.Xơ Đăng – Tơdroăng hơ’muăn “Apía Khía” dêi hdroâng Rơđế cho tơdroăng hơ’muăn ‘na hiâm mơno tơmâng, tơdroăng hâk vâ, tŏng kum dêi rơpó dêi mâu ngế tung rơpŏng hngêi rêm rôh trâm tơdroăng xâu xía tung rêh ối. Tơdroăng kố xuân mơhno ki rơhêng vâ rêh, rơhêng vâ châ vâ, hơniâp ro drêng xo kơdrâi, kơnốu, chiâng on veăng ƀă hbrâ rơnáu tơkâ luâ mâu tơdroăng pá puât, pơloăng dêi tơdroăng rêh ối vâ tăng hlo tơdroăng ki lĕm tro khât tung tơdroăng xo on veăng.

VOV4.Xơ Đăng - Tơdroăng hơ’muăn ‘’Apiá Khía’’ dêi hdroâng kuăn ngo Rơđế cho tơdroăng hơ’muăn tối ‘na tơdroăng ki tŏng kum, tơdroăng ki mơjo pâ, tŏng kum dêi pó pơla mâu ngế tung rơpŏng hngêi drêng trâm tơdroăng pá tung rêh ối. Tơdroăng hơ’muăn kố xuân mơhno tối ‘na hiâm mơno pói vâ tơdroăng rêh ối, hâk vâ tơdroăng châ mơjo, hơniâp ro drêng châ rah xo kơdrâi-mế, châ xo on veăng, mơjiâng rơpŏng hngêi ƀă kâi chân tơkâ luâ xahpá, pơloăng mơnúa dêi tơdroăng rêh ối vâ tăng troăng hơlâ ki păng ‘nâng tung hiâm mơno mơjo pâ dêi pó.

VOV4.Xơ Đăng - Tơdroăng hơ’muăn ‘’Apía, H’Lŭi ƀă Rui kong’’ dêi kuăn ngo Jarai cho tơdroăng hơ’muăn ton rôh nah ki pơxá inâi tíu tơring Sông Hinh, kong pơlê Phú Yên, ki achê ƀă kong pơlê Dak Lak. Tơdroăng hơ’muăn ‘na prế nâ o Apía, H’Lŭi kuăn tê ôh tá ai nôu pâ, prế pâ dêi rơpó khât, hlối lĕm rơduăng má môi tung kơpong mê, hên mâu rơtăm vâ tơbriât xo prế. La ôh tá mơhúa, o H’Lŭi thế xo môi ngế hmâ tong ki vâi ô eăng tro xeăng djâ vêh, klêi mê pơxêh pro gá chiâng Rui chu a rŏng tơnêi vâ ngăn kong ngo Ea Ly troh Phước Sơn ƀă mơ’nui gá hlối hlâ. Tơdroăng hơ’muăn mê vâ tối ti lâi chiâng ai hmốu kân um kleăng vông hnhâ dêi mơná rơdâ bê châ hding môi pâ kơdung ngo Čư̆ M’Kuy.

VOV4.Xơ Đăng

VOV4.Xơ Đăng – Tơdroăng hơ’muăn “Ngế rơtăm kơtiê” dêi hdroâng Rơteăng cho môi tơdroăng hơ’muăn mơhno púi vâ dêi kuăn mơngế kâi tơkâ luâ xơpá, pơloăng mơnúa tung rêh ối vâ tăng tơdroăng hơniâp tung rơxông, chal tơná. Kơ’nâi kố, vâi krâ krâ nhŏng o tơmâng tơdroăng hơ’muăn “Rơtăm kơtiê”.

VOV4.Xơ Đăng – Tơdroăng hơ’muăn dêi hdroâng Rơđế, um méa pôa klá châ mơnhên hên tơdroăng. Ki xiâm dêi tơdroăng hơ’muăn Apía Tô Ngô, hơ’muăn ‘na môi pơlê pơxêh chiâng khu klá athế kâ hmê dêi xeăng. Tơdroăng khoh chiâng ai xiâm kối pêa plông Êa Hleo, cho vâ hơ’muăn ‘na tăm Y Rit hiăng tơnôu châ kơdê pôa klá 7 to ko, châ tŏng kum dêi tâi tâng kuăn pơlê. Tơdroăng hơ’muăn Tăm Thih hiăng kum ăm kuăn pơlê pro klôh sŏng vâ kơdê khu kiâ kláki ‘nhiê pơlê pơla. Ki rơhêng vâ tối, tung mê ai hơ’muăn “Tăm Boh Kneh ƀă klá mơngế”.

VOV4.Xơ Đăng - Tơdroăng hơ’muăn “Apía Ki Krêng” dêi kong têa Nhuk cho vâ hơ’muăn tối ‘na chêm ko xúa rơhêng vâ mơnê hnoăng dêi mơngế ki păn roăng, rak ngăn mê ga hiăng pơxêh pro dêi châ chiâng Apía vâ pro kuăn dêi nôu pâ ki kơtiê cho nôu pâ păn roăng, rak ngăn, plâ rơxông, plâ rơnó rak ngăn dêi nôu pâ krâu khât. Laga, tơdroăng rêh ối ôh tá châ môi tiah hiâm tuăn pói rơhêng vâ, mê on veăng jâ pôa ki krâ mê hiăng xêa lôi hiâm tuăn loi tơngah dêi kuăn, xua lối ai hên rơkong tơpui tối ‘mêi dêi ing pơlê pơla ‘na Apía Ki Krêng, xua mê, hiăng pro hía lôi tơdroăng ki chiâng pơxêh chiâng kuăn mơngế, Apía thế vêh pro dêi châ chiâng Chêm Ki Krêng tiah ton nah nếo ƀă kơneăng hía hlối tung môi kơmăng.

VOV4.Xơ Đăng – Tơdroăng hơ’muăn “Tăm plong hriâm rơkê” tối ‘na môi ngế rơtăm plong, hiăng vâ tro kơdrâi gá lôi. Tung pơla mê, nôu pâ peăng kơdrâi rơhăm kơ liăn, tơmeăm vâ ăm dêi kuăn kơdrâi châ xo ngế rơtăm ki kro, hriâm lâm kân. Dế xĭng khía ‘nâi pro ti lâi, ngế rơtăm plong mê châ nhŏng o tung pơlê ki ai hiâm mơno lĕm hnê tăm thế lăm hriâm vâ rơkê vâ rak dêi kơdrâi. Mâu hâi ki tăm prôk ‘rông ukố umê, tăm tâng vâi hriâm gá rơbot xêh mâu tơdroăng tơpui vâ tối cho ki rơkê khât. Troh hâi nôu pâ ngế kơdrâi po mơdĭng tăng leăm dôh ki ê ăm dêi kuăn.tăm plong troh veăng ai mâ hlối tơpui rơkong tơpui ki vâi ô eăng.

VOV4.Xơ Đăng - Tơdroăng hơ’muăn “Apía má Xeăng má Tơchên’’ dêi kuăn ngo Hrê cho ƀai hơ’muăn ‘na ngế rơtăm kơtiê ôh tá ai tơmeăm khoăng vâ pleăng ăm vâi krâ vâ xo mế. Kơnôm châ pôa xeăng tŏng kum, mê tăm kơtiê khoh châ xo droh Apía xeăng má tơchên drêng ngế Apía Xeăng chu hum a têa kroăng a rŏng tơnêi. Ing mê, Apía Xeăng má 9 hiăng chiâng kơdrâi tăm ƀă hlối ai ƀă tăm môi ngế kuăn kơnốu.

VOV4.Xơ Đăng