VOV4.Xơ Đăng - Pôa Phạm Văn Đồng, Ngế pro xiâm hnê ngăn tơnêi têa hneăng hdrối nah ki hiăng hlâ tối: “ Tung rơxông ối rêh pêi cheăng Kăch măng xuân môi tiah tung tơdroăng rêh ối rêm hâi, Pôa Hồ Chí Minh - Kăn xiâm hnê ngăn tơnêi têa hneăng hdrối rêh ối ƀă rêm ngế, đi đo hnê djâ tơdroăng kơnía, lĕm tro, pêng păm tuăn hơ-ui, mơjo pâ. Pôa Hồ đi đo hơ-ui pâ kơ vâi pú, kuăn pơlê. Tung tơdroăng ki hơ-ui pâ mê, ai tíu ăm rêm ngế, ôh tá piu hiât ngế ki lâi...”. Mê cho môi tơdroăng vâ tối tŭm têk ‘na Pôa Hồ Chí Minh, Kăn xiâm hnê ngăn tơnêi têa ki apoăng - Kuăn mơngế ki plâ rơxông 79 hơnăm chôu ‘măn ăm tơdroăng hơ-ui pâ tơnêi têa, mơjo pâ kơ kuăn pơlê.

VOV4.Xơ Đăng - Tơdroăng hơ’muăn “Têa hnăng, têa mơ’nok’’ dêi kuăn ngo M’Nông cho vâ hơ’muăn ‘na prế ngoh o hngêi kơtiê ôh tá ai nôu pâ. Ngế o pêi tiô rơkong ngế nôu hnê mê tơdroăng rêh ối hơniâp ro, niân nok ai kơdrâi lĕm, kuăn ‘nĕng loi nguăn, ngế ngoh ôh tá vâ tơmâng, chiu loi dêi nôu, tuăn mơno rơhăm, ‘nêk djip dêi o kơnốu, hlĕng kơ dêi mâi mê troh mơ’nui xua kâi kơxiâp kơmêi dêi tơná chiâng châ hdâ tíu ê, ngế ngoh hlâ chiâng pah ki kân tung têa thế lăm rêh ối a têa ki mơ’nok. Tơdroăng hơ’muăn vâ hnê tối ăm rêm ngế, dế ối rê, nhŏng o môi klêa kliâm thế rêh ối ‘nâi hơ-ui, kum dêi rơpó, pâ dêi rơpó mê nếo châ hơniâp lĕm.

VOV4.Xơ Đăng - Tơdroăng hơ’muăn “Têa hnăng, têa mơ’nok’’ dêi kuăn ngo M’Nông cho vâ hơ’muăn ‘na prế ngoh o hngêi kơtiê ôh tá ai nôu pâ. Ngế o pêi tiô rơkong ngế nôu hnê mê tơdroăng rêh ối hơniâp ro, niân nok ai kơdrâi lĕm, kuăn ‘nĕng loi nguăn, ngế ngoh ôh tá vâ tơmâng, chiu loi dêi nôu, tuăn mơno rơhăm, ‘nêk djip dêi o kơnốu, hlĕng kơ dêi mâi mê troh mơ’nui xua kâi kơxiâp kơmêi dêi tơná chiâng châ hdâ tíu ê, ngế ngoh hlâ chiâng pah ki kân tung têa thế lăm rêh ối a têa ki mơ’nok. Tơdroăng hơ’muăn vâ hnê tối ăm rêm ngế, dế ối rê, nhŏng o môi klêa kliâm thế rêh ối ‘nâi hơ-ui, kum dêi rơpó, pâ dêi rơpó mê nếo châ hơniâp lĕm.

VOV4.Xơ Đăng – Tơdroăng hơ’muăn xiâm kối khoh ai chêm xâk khêi cho tơdroăng hơ’muăn dêi kuăn ngo Thái, hơ’muăm ‘na ngế rơtăm Ải Chạng Nọi kuăn xeăng plêng, xo péa ngế droh pro dêi kơdrai, la hmếo pơ xeh hêi ôh tá vâ tơmâng dêi kơdrâi, mê  péa ngế droh lôi, chu a rŏng tơnêi chiâng mơngế nếo. Mơ’nui prế kơdrâi kơnốu mê xuân tăng hlo dêi rơpó, vâ rêh ối ƀă dêi rơpó.

VOV4.Xơ Đăng - Tơdroăng hơ ‘muăn ‘’Chêm paraut, chêm tơmêa ƀă mơnhóu” dêi kuăn ngo Rơđế cho tơdroăng hơ’muăn tối ‘na rêh ối dêi kuăn mơngế thế ‘nâi tối, hơ-ui kum dêi rơpó, ôh tá klâi alâ kơnôm to mâu ki ê. Tơdroăng hơ’muăn kơ’nâi kố vâ hnê pơchân dêi rơpó ‘nâi tơmâng loi mâu hiăng kân, hiăng krâ hnê tối, ví pro mâu tơdroăng ôh tá tro, vâ tăng tơdroăng ki lĕm ro tung rêh ối.

VOV4.Xơ Đăng- Xiâm kôi ai reăng Violet cho tơdroăng hơ’muăn ton tĭn roh nah dêi kong têa Pơhlăng, pakĭng tơdroăng pơ-eăng môi tơdroăng ki vâ dêi rơpó khât dêi ngế rơtăm Anfaret kuăn dêi Pơtáu ki kro mơdrŏng má môi tung kơpong ƀa Apía Violet ngế droh kơtiê la lĕm rơduăng, têm rơpiêt, ối tối mơnhên ‘na xiâm rêi dêi túa reăng Violet nôkố - túa reăng ki vâ pơtih tơdroăng vâ dêi rơpó khât ‘nâng, ôh tá la lâi kâi hơ’lêh. Kơ’nâi kố, pó vâi krâ nhŏng o tơmâng tơdroăng hơ’muăn “Xiâm rêi dêi reăng Violet’’.

VOV4.Xơ Đăng - Tơdroăng hơ’muăn “Hmốu kơnía púi vâ dêi kleăng’’ vâ hnê tơdroăng ki tro, pơchân rêm ngế thế ‘nâi ví xêh mâu tơdroăng ki ‘mêi, rơhăm tơmeăm, ki kơbi tung rêh ối. Mâu ngế ki rơhăm tơmeăm, tuăn ‘mêi ôh tá ai xeăng phop ki lâi vâ kum. Mơhé châ hmốu kơnía púi vâ hiăng châ râng tung kơpeăng kŏng la xuân ôh tá chiâng xúa pro ti lâi. Kơ’nâi kố, pó vâi krâ nhŏng o tơmâng tơdroăng hơ’muăn “Hmốu kơnía púi vâ dêi kleăng’’.

VOV4.Xơ Đăng - Ô vâi krâ nhŏng o ƀă pú hmâ! Hmốu tơnĭng cho môi tung mâu hmôú ki ai idrâp chuât ro, hiăng ai sap ing hdrối nah dêi mơngế M’Nông. Tiô hmâ loi dêi mơngế M’Nông, idrâp chuât dêi hmốu tơnĭng cho kế ki vâ tơpui tơno pơla kuăn mơngế ƀă Xeăng. Xua mê, hmốu tơnĭng hiăng chiâng kế ki tĭng, ƀă châ git kơnía. Xiâm rêi dêi hmốu tơnĭng.

VOV4.Xơ Đăng – Tơdroăng hơ’muăn “Plôi nôu” dêi hdroâng M’Nông cho vâ tối ki xiâm rêi khoh ai mâu hdroâng nhŏng o pơrá dêi rơpó a tơnêi têa Việt Nam. Tơdroăng hơ’muăn kố xuân vâ hnê tối nôu pâ, kuăn ‘nĕng, nhŏng o môi klêa môi kliâm athế ‘nâi hơ-ui pâ, mơjo plĕng dei pó. Tung pơla athế tơrŭm, mơjiâng tơdroăng rêh ối phâi tơtôu, ôh tá tăm nâ, tơklâ.

VOV4.Xơ Đăng – Xiâm kối khoh chiâng ai khôi hlŭm hlá cho tơdroăng xôi kiâ dêi hdroâng Hmông, vâ hơ’muăn tối ‘na môi ngế rơtăm khên tơnôu tŏng xo Apía chal ki mê nah dêi hdroâng Hmông. Xua ing Pôa Xeăng hnê tối thế hlŭm hlá drêng prế vâ tơpui dêi pó, mê troh chal nôkố vâi droh rơtăm Hmông xuân ối rak vế tơdroăng hlŭm hlá mê.