VOV.Xơ Đăng - ‘Na tơmeăm khoăng lĕm tro a Tây Nguyên, prôa tơnĭng, nâl M’Nông tối cho Gong lŭ), hmâ hlo hên a kơpong têa kroăng Dak Glung, Dak Kar (cho kong pơlê Dak Nông ton nah) nôkố cho kong pơlê Lâm Đồng, châ ngăn cho tơmeăm kơnía git dêi kong kế, kroăng têa, ngo ngối. Ôh tá xê to prôa, mâu kơtóu hmốu mê ối chiâng xúa vâ tôu, ga ai idrâp chuât xơtó chhâk têi môi tiah chêng, koăng. Ing mê, khoh chiâng ai tơdroăng xôi kiâ “Hơ’muăn tối ‘na prôa tơnĭng’’- vâ tối xiâm rêi khoh chiâng ai prôa hmốu tung rêh ối, tuăn loi ƀă tĭng dêi mơngế M’Nông.

VOV.Xơ Đăng

VOV.Xơ Đăng - Sap ing nah, a tơnêi kong ngo, kuăn pơlê mơngế Rơteăng đi đo ‘nâi rêh ối lĕm ro, mơjo pâ dêi rơpó, veăng gum dêi rơpó. Tung rôh trâm pá, vâi xuân rak ai hiâm tuăn ki vâ tơtrâ tơdroăng ‘mêi; Tâng ai khu ‘mêi mot plâ lơ kuăn kiâ kong troh pro tơ’nhiê pơlê, kuăn pơlê môi tuăn dêi rơpó xông pơplâ ƀă kiâ ‘mêi, troh tah mâu kiâ mơdroh vâ kring vế tơdroăng rêh ối pơlê pơla hơniâp ro. Tung tơdroăng hơ’muăn mê, djâ pôa pin rôh nah ối ‘măn rak hên tơdroăng hơ’muăn “Tăm Lúa Mâm ƀă kiâ Cheng Leng” vâ pơ-ô pơ-eăng hiâm tuăn ‘nâi tơrŭm tơrôa, ai hiâm mơno khên tơnôu ƀă ivá rơdêi dêi kuăn pơlê.

VOV.Xơ Đăng - Tơdroăng tối kiâ dêi kuăn ngo Bơhnéa “Chó ƀă Miếo môi tuăn ƀă Tăm Hrít’’- hơ’muăn tối ‘na ngế rơtăm kuăn tê kơtiê xơpá. La mơhé ti mê, Hrit cho mơngế ai hiâm mơno lĕm têm, ‘nâi pâ kơ kuăn kiâ. Xuân kơnôm ing hiâm mơno lĕm mê, ngoh hiă ai tơdroăng rêh ối hơniâp ro.

VOV.Xơ Đăng - Tơdroăng tối kiâ dêi kuăn ngo Rơđế cho hơ’muăn tối xiâm rêi ‘na khiê̆n Đing Năm - túa prôa tơviah châ hlŭm tung mâu rôh tung pơlê ai ngế hlâ, Ing tuăn pâ dêi rơpŏng hngêi, ƀă tơdroăng rơkê plĕng dêi ngế o hdrui ƀă tơdroăng hmâ pêi pro ing ton nah túa lĕm tro dêi pơlê, khiê̆n ai tơdrốu to klŏng phêa, pơxiâm ai ing mê nah, pro chiâng chuât têi hmâng mot khâp tung tuăn i hiâm, hlối tĭng - môi tiah rơkong krôu kơhôi tối mâu tơdroăng ki ối pâ mơjo dế ngế ki mê ối rêh nah.

VOV.Xơ Đăng

VOV.Xơ Đăng

VOV.Xơ Đăng - Tơdroăng tối kiâ dêi kuăn ngo K’Ho “Xiâm rêi khoh ai 6 kơtâ chêng” châ hơ’muăn ƀă rơkong sap ing to lâi rơxông kố tung kuăn pơlê hdroâng K’Ho. Tơdroăng tối kiâ ôh tá xê to tối nhên ‘na xiâm rêi, khoh chiâng ai mâu kơtâ chêng ki tĭng tung tơdroăng rêh ối, mơhnhôk pơro ‘na hiâm mơno tung kuăn pơlê dêi mơngế K’Ho, mê ối cho vâ mơhno tuăn loi ƀă tơdroăng pâ nhoăm dêi kuăn mơngế ƀă khu xeăng ƀă mơhúa jâ pôa.

VOV.Xơ Đăng

VOV.Xơ Đăng