VOV4.Xơ Đăng

VOV4.Xơ Đăng – Tơdroăng hơ’muăn “Ngế rơtăm kơtiê” dêi hdroâng Rơteăng cho môi tơdroăng hơ’muăn mơhno púi vâ dêi kuăn mơngế kâi tơkâ luâ xơpá, pơloăng mơnúa tung rêh ối vâ tăng tơdroăng hơniâp tung rơxông, chal tơná. Kơ’nâi kố, vâi krâ krâ nhŏng o tơmâng tơdroăng hơ’muăn “Rơtăm kơtiê”.

VOV4.Xơ Đăng – Tơdroăng hơ’muăn dêi hdroâng Rơđế, um méa pôa klá châ mơnhên hên tơdroăng. Ki xiâm dêi tơdroăng hơ’muăn Apía Tô Ngô, hơ’muăn ‘na môi pơlê pơxêh chiâng khu klá athế kâ hmê dêi xeăng. Tơdroăng khoh chiâng ai xiâm kối pêa plông Êa Hleo, cho vâ hơ’muăn ‘na tăm Y Rit hiăng tơnôu châ kơdê pôa klá 7 to ko, châ tŏng kum dêi tâi tâng kuăn pơlê. Tơdroăng hơ’muăn Tăm Thih hiăng kum ăm kuăn pơlê pro klôh sŏng vâ kơdê khu kiâ kláki ‘nhiê pơlê pơla. Ki rơhêng vâ tối, tung mê ai hơ’muăn “Tăm Boh Kneh ƀă klá mơngế”.

VOV4.Xơ Đăng - Tơdroăng hơ’muăn “Apía Ki Krêng” dêi kong têa Nhuk cho vâ hơ’muăn tối ‘na chêm ko xúa rơhêng vâ mơnê hnoăng dêi mơngế ki păn roăng, rak ngăn mê ga hiăng pơxêh pro dêi châ chiâng Apía vâ pro kuăn dêi nôu pâ ki kơtiê cho nôu pâ păn roăng, rak ngăn, plâ rơxông, plâ rơnó rak ngăn dêi nôu pâ krâu khât. Laga, tơdroăng rêh ối ôh tá châ môi tiah hiâm tuăn pói rơhêng vâ, mê on veăng jâ pôa ki krâ mê hiăng xêa lôi hiâm tuăn loi tơngah dêi kuăn, xua lối ai hên rơkong tơpui tối ‘mêi dêi ing pơlê pơla ‘na Apía Ki Krêng, xua mê, hiăng pro hía lôi tơdroăng ki chiâng pơxêh chiâng kuăn mơngế, Apía thế vêh pro dêi châ chiâng Chêm Ki Krêng tiah ton nah nếo ƀă kơneăng hía hlối tung môi kơmăng.

VOV4.Xơ Đăng – Tơdroăng hơ’muăn “Tăm plong hriâm rơkê” tối ‘na môi ngế rơtăm plong, hiăng vâ tro kơdrâi gá lôi. Tung pơla mê, nôu pâ peăng kơdrâi rơhăm kơ liăn, tơmeăm vâ ăm dêi kuăn kơdrâi châ xo ngế rơtăm ki kro, hriâm lâm kân. Dế xĭng khía ‘nâi pro ti lâi, ngế rơtăm plong mê châ nhŏng o tung pơlê ki ai hiâm mơno lĕm hnê tăm thế lăm hriâm vâ rơkê vâ rak dêi kơdrâi. Mâu hâi ki tăm prôk ‘rông ukố umê, tăm tâng vâi hriâm gá rơbot xêh mâu tơdroăng tơpui vâ tối cho ki rơkê khât. Troh hâi nôu pâ ngế kơdrâi po mơdĭng tăng leăm dôh ki ê ăm dêi kuăn.tăm plong troh veăng ai mâ hlối tơpui rơkong tơpui ki vâi ô eăng.

VOV4.Xơ Đăng - Tơdroăng hơ’muăn “Apía má Xeăng má Tơchên’’ dêi kuăn ngo Hrê cho ƀai hơ’muăn ‘na ngế rơtăm kơtiê ôh tá ai tơmeăm khoăng vâ pleăng ăm vâi krâ vâ xo mế. Kơnôm châ pôa xeăng tŏng kum, mê tăm kơtiê khoh châ xo droh Apía xeăng má tơchên drêng ngế Apía Xeăng chu hum a têa kroăng a rŏng tơnêi. Ing mê, Apía Xeăng má 9 hiăng chiâng kơdrâi tăm ƀă hlối ai ƀă tăm môi ngế kuăn kơnốu.

VOV4.Xơ Đăng

VOV4.Xơ Đăng - Tơdroăng hơ’muăn ton nah “Idrâp hơdruê’’ dêi kuăn ngo Jarai cho vâ hơ’muăn tối ‘na môi ngế “O kŭn xeăng’’ châ pơxá inâi cho ‘’Nai Ngọc’’ o xeăng kŭn mê ga chiâng mơngế ing hmốu kơnía ki hŭn a kơpêng ngo kân xŏn ƀă tâng idrâp hơdruê ro tơniâ ki tơviah krê xêh, pro mâu chêm, mâu kuăn kiâ kong rơhêng vâ hmâng. Tá drêng mâu xâ ‘mêi troh vâ tong ‘nhê kế tơmeăm kuăn pơlê, drêng tâng rơkong hơdruê, rơngêi ting ting ro tơniâ dêi Nai Ngọc, khu xâ ki ‘mêi xuân tơngôu, lôi dêi pháu hơhnêa, chăng, khiâ. Idrâp hơdruê dêi o hiăng pro hơniâp lĕm ăm pơlê pơla. Kơ’nâi kố, pó vâi krâ nhŏng o ƀă pú hmâ tơmâng tơdroăng hơ’muăn mê.

VOV4.Xơ Đăng - Tơdroăng hơ’muăn “A Tin” dêi hdroâng ơteăng tối ‘na tơdroăng rêh ối xơpá dêi ngế rơtăm kuăn tê, ôh ti ai nôu pâ, nhŏng o la rêh ối têm rơpiât, hâm mơno lĕm, ‘nâi pâ ngế ki ê. Tơdroăng hơniâp hiăng troh ƀă ngoh, klêi kơ’nâi hên tơdroăng pơloăng mơnúa dêi tơdroăng rêh ối.

VOV4.Xơ Đăng - Tơdroăng hơ’muăn ‘’Tăm Rơkái‘’ dêi kuăn ngo Jarai vâ hơ’muăn ‘na ngế rơtăm mo sêi, le\m tơhráu, rơkê kơhnâ, la châ chăn môi tiah rơkái kong. Tăm lăm kơ’nêi kơpôu, lăm lúa rơkê châ mâu mâm kong, khên troh khu rui kâ ‘nhiê báu alâi dêi kuăn pơlê. Châ Apía, cho kuăn kơdrâi Pơtáu xo pro dêi kơnốu, châ Pơtáu mơnhên tối rơkê khât tâ kuăn mơngế, pơcháu hnoăng pơkuâ pơlê kơtâo, tơmeăm khoăng drêng hiăng krâ [ă Tăm Rơkái rêh ối hơniâp ro sôk suâ plâ rơxông [ă Apía ki le\m rơduăng rơtế [ă kuăn pơlê.