VOV.Xơ Đăng - Tơdroăng xôi kiâ “Tăm Teao” dêi hdrông Rơteăng cho vâ hơ’muăn tối ‘na ngế rơtăm ki rơkê hlŭm rơvŏng xeăng pro khía chiâng hmái hmâ, hiâm mơno kuăn mơngế hmiân tơniăn lĕm. Drêng tung pơlê tro khu xâ mot plâ, tong xo kế tơmeăm, kiâ ‘mêi rơnêl, mơnhâu, Tăm Teao ki têm rơpiât mê hiăng khên tơnôu xông pơplâ xâ rơtế ƀă vâi krâ-nhŏng o rak ngăn hngêi trăng kring vế idrâp chêng koăng, mơhúa kuăn pơlê. Tơdroăng hơ’muăn tối ‘na i hiâm mơno, tuăn tơmiât ki khên tơnôu ƀă tơdroăng ki pleăng dêi hnoăng tơná dêi môi ngế ki hmâ rêh kâ ối, mê hiăng chiâng ngế khên tơnôu.

VOV.Xơ Đăng - “Apía Nat”, cho tơdroăng xôi kiâ dêi hdrông Bơhnéa, vâ hơ’muăn tối ‘na môi ngế droh ki hloh hlê rơkê plĕng, têm rơpiât hiăng gum dêi kơnốu, môi ngế ki hmâ lăm prâu kơchâ, la kơtiê xahpá, kơdo mơ-eăm tơkâ luâ hên tơdroăng xahpá vâ mơnhông ‘na rêh ối, phâi tơtô. Tơdroăng hơ’muăn tối kố xuân cho vâ tối pơchân tiah kố, rêh ối a rŏng tơnêi kố, athế ‘nâi hơ-ui pâ, gum ăm dêi pó, ai tơdroăng rêh ối hơniâp ro, phâi tơtô, niân kro.

VOV.Xơ Đăng - Tơdroăng xôi kiâ dêi kuăn ngo Jarai “Ká hếo loăng plâi măk khăm” cho vâ mơhno tối tuăn ngôa rơkê dêi chal krâ nah ing um méa hơ’muăn tối Pu Pái ƀĕng ƀeăn, rơkê plĕng. Tơdroăng hơ’muăn mê cho vâ pơ-eăng kuăn mơngế ki ai hiâm mơno tơdrăng lĕm, têm rơpiêt môi tiah tăm Rit; hlối hjăm dría, tơtrâ mơngế ki rơhăm git kơ kế tơmeăm, tuăn ôh tá tơdrăng, hâk to lu lêa.

VOV.Xơ Đăng - Tơdroăng xôi kiâ dêi hdrông Rơđế “Tăm Y Siêm” cho vâ hơ’muăn tối ‘na tuăn i hiâm khên tơnôu ƀă ai tuăn kâi chân tơkâ luâ mâu tơdroăng i xahpá dêi môi ngế rơtăm inâi cho Y Siêm. Tăm hbrâ vâ tơplâ ƀă tơdroăng ki krâ ‘mêi dêi khu kiâ kong vâ pring vế tơdroăng rêh ối dêi pơlê pơla.

VOV.Xơ Đăng - Mơngế M’Nông ai môi tơdroăng hơ’muăn ‘na rơtăm Mbich ‘’Hâk to vâ koi’’ ƀă ngế Apía têm rơpiât. Ing môi ngế rơtăm klâi ‘lông, bu hâk to vâ koi tê, Mbich hiăng tơkâ hluâ troăng prôk ki phá tơ-ê vâ pơhlêh dêi tơdroăng rêh ối tơná. Tơdroăng ki pốu trâm xeăng pah, tơdroăng hâk pâ mơjo tá hiâm mơno dêi Apía ƀă tơdroăng ki pơtroh mơhúa pon ing xeăng, ing kong kế, ngo ngối; ing hiâm mơno têm rơpiêt, ƀă ‘nâi git hiâm mơno lĕm nếo cho tơdroăng ki kơnía má môi dêi tơdroăng rêh ối kuăn mơngế.

VOV.Xơ Đăng - A tơdế kong ngo Tây Nguyên, ai mâu tơdroăng xôi kiâ châ hơ’muăn đi đo ta troh rơxông kơ’nâi. Tung mê, tơdroăng hơ’muăn ‘na ngo Lang Biang, ngo Rui ƀă têa kroăng Dà Nhim vâ tơbâ prế droh rơtăm ki vâ dêi rơpó khât, môi tơdroăng púi vâ rêh ối lĕm tơniăn, hơniâp ro bê ta chiâng hlâ rêh, cho hnoăng cheăng ki kân păng ‘nâng. Tăm Ha Biang khên lăm êng Xeăng vâ pâ thế kong mêi ăm pơlê, Ka Lang krôu hơ-ui dêi kơnốu bê ta troh hlâ, Rui ki hơ-ui mơjo kơ prế xuân hiăng hlâ a kĭng prế há... Ngo, têa kroăng ƀă kong kế ing mê chiâng tơmeăm ki vâ pơto pơtih ôh tá la lâi kâi hía ‘na tuăn pâ ƀă tuăn loi dêi mơngế K’Ho.

VOV.Xơ Đăng - Mâu pơlê pơla dêi mơngế Rơteăng a Tây Nguyên xuân ối ‘măn rak tơdroăng xôi kiâ ‘na Dăm Duông, Bar Mah ƀă rơvŏng xeăng. Tơdroăng hơ’muăn mê môi tiah rơkong tối pơchân” bú ai to hiâm mơno lĕm têm rơpiât ƀă tuăn khên tơnôu, kuăn mơngế nếo châ rak ki hơniâp lĕm tung rêh ối, môi tiah rơvŏng xeăng ối chuât xơtó đi đo a kong kế, ngo ngối. Kơ’nâi kố, pó vâi krâ nhŏng o tơmâng Nhat Lisa vâ hơ’muăn “Dăm Duông ƀă rơvŏng xeăng”.

VOV.Xơ Đăng - Tơdroăng hơ’muăn ‘na ngế rơtăm Tiều A Lé dêi kuăn ngo Vân Kiều cho vâ hơ’muăn ‘na môi ngế rơtăm ai ivá mo rơdêi, ngiâ méa châ chăn lĕm la pơkí dêi tơná xua châ chăn ôh tá lĕm, thĕn, kơvê lâp châ, mê hên ngế hdjăm dría, oh tá khên vâ ối achê. Phá tâ mâu ngế rơtâ tá, ngế droh ki hdrui dêi kăn pơlê ai hiâm mơno lĕm têm rơpiêt, ‘nâi hơ-ui pâ kơ mơngế ki ê mê hiăng vâ kơ tăm. Troh drêng khu xâ ‘mêi mot plâ pơlê, Tiều A Lé hiăng khên tơnôu plâ tah xâ ki ‘mêi, kring vế kuăn pơlê tơniăn lĕm...

VOV.Xơ Đăng - Tơdroăng xôi kiâ “Prế ngoh o Tăm Yi ƀă Tăm Thĭ” dêi kuăn ngo Rơđế cho tơdroăng hơ’muăn tối ‘na prế rơtăm rơkê, khên tơnôu inâi prế cho Tăm Yi ƀă Tăm Thĭ xông plâ khu ‘mêi, khu xâ, kring vế pơlê pơla Tây Nguyên. Tơdroăng hơ’muăn ôh tá xê to vâ pơ eăng ki khên tơnôu, ó rơdêi mê ối púi vâ rêm ngế vâi krâ-nhŏng o pin pơtối kring vế pơlê pơla, pơtối bối tuâ hnoăng ki lĕm tro dêi kuăn mơngế Tây Nguyên a tíu kong kế, ngo ngối ki kân krip kố.

VOV.Xơ Đăng - ‘Na tơmeăm khoăng lĕm tro a Tây Nguyên, prôa tơnĭng, nâl M’Nông tối cho Gong lŭ), hmâ hlo hên a kơpong têa kroăng Dak Glung, Dak Kar (cho kong pơlê Dak Nông ton nah) nôkố cho kong pơlê Lâm Đồng, châ ngăn cho tơmeăm kơnía git dêi kong kế, kroăng têa, ngo ngối. Ôh tá xê to prôa, mâu kơtóu hmốu mê ối chiâng xúa vâ tôu, ga ai idrâp chuât xơtó chhâk têi môi tiah chêng, koăng. Ing mê, khoh chiâng ai tơdroăng xôi kiâ “Hơ’muăn tối ‘na prôa tơnĭng’’- vâ tối xiâm rêi khoh chiâng ai prôa hmốu tung rêh ối, tuăn loi ƀă tĭng dêi mơngế M’Nông.