VOV.Xơ Đăng - Tơdroăng xôi kiâ kuăn Prếo cháu Xeăng cho moi tung mâu tơdroăng hơ’muăn ki hơniâp ro kân má môi dêi Việt Nam, mơnhên tối xiâm rêh dêi hdrông kuăn mơngế ƀă ki kơnía git khât tung túa lĕm tro dêi kuăn mơngế. Mâu tơdroăng xôi kiâ, tơdroăng ki hơ’muăn tối mê, ôh tá xê to pơroh ăm tơdroăng ki pro ăm pin hlê plĕng nhên ‘na mâu tơdroăng ki kal dêi roh nah, mê ối cho vâ mơhno tối i hiâm mơno tơrŭm ƀă tuăn mơno ki hâk tơngăm dêi hdrông mơngế. Lạc Long Quân cho kuăn kơnốu dêi Xeăng Long Nữ a têa kơxĭ pêa mâ hâi lo. Peăng Âu Cơ cho ối tung hdrông hdrê Thần Nông, rêh ối a kong ngo. ‘Nâi Lạc Long Quân rơkê plĕng, khên tơnôu, mê Âu Cơ cho Apía ki lĕm rơduăng ƀă ai hên tơdroăng ki hlê plĕng tơdroăng kơnía...