VOV.Xơ Đăng - Tơdroăng xôi kiâ “Tăm Teao” dêi hdrông Rơteăng cho vâ hơ’muăn tối ‘na ngế rơtăm ki rơkê hlŭm rơvŏng xeăng pro khía chiâng hmái hmâ, hiâm mơno kuăn mơngế hmiân tơniăn lĕm. Drêng tung pơlê tro khu xâ mot plâ, tong xo kế tơmeăm, kiâ ‘mêi rơnêl, mơnhâu, Tăm Teao ki têm rơpiât mê hiăng khên tơnôu xông pơplâ xâ rơtế ƀă vâi krâ-nhŏng o rak ngăn hngêi trăng kring vế idrâp chêng koăng, mơhúa kuăn pơlê. Tơdroăng hơ’muăn tối ‘na i hiâm mơno, tuăn tơmiât ki khên tơnôu ƀă tơdroăng ki pleăng dêi hnoăng tơná dêi môi ngế ki hmâ rêh kâ ối, mê hiăng chiâng ngế khên tơnôu.