VOV.Xơ Đăng - Tơdroăng hơ’muăn “Tăm Y Rít ƀă To tơpah to ko” dêi kuăn ngo Rơđế, hơ’muăn ‘na ngế Pơetáu Mơ Xây ki kra a’mêi rơtôh, lôí kơ rơhăm git kơ tơmeăm, krá ‘mêi, pro kuăn pơlê tung pơlê pá puât hên tơdroăng. Ƀă tơdế kong ngo ki mê, ngế rơtăm Y Rít ai ivá châ chăn rơdêi, ai tuăn khên tơnôu. Ing hiâm nơmo lĕm, tơdrêng ƀă tơmeăm tŏng kum ki lĕm dêi mâu kơnái kơnot chăm chói kuăn kiâ kong, Ngế ki ‘mêi kô tro pơxâu, pơlê pơla vêh hơniâp ro, tâng to idrâp chêng koăng pu hung pu hung tung mâu hâi mơdĭng.