VOV4.Xơ Đăng - Tơdroăng hơ’muăn “Tăm Mâ Khế” dêi kuăn ngo Jarai cho vâ hơ’muăn ‘na tơdroăng vâ dêi rơpó dêi kuăn kơnốu pơtáu (pơtáu a plêng) ƀă kuăn kơdrâi a rŏng tơnêi. Tơdroăng kố châ nôu pâ péa pâ pơkâ ăm prế xap ing nôu péa ngế dế mơ-êa dêi prế tung klêa nôu nah. Prế hiăng tơkâ luâ hên tơdroăng pá puât, troh mơ’nui xuân vêh ối ƀă dêi rơpó hơniâp ro plâ rơxông. Kơ’nâi kố, pó vâi krâ nhŏng o ƀă pú hmâ tơmâng tơdroăng hơ’muăn mê.