Tơdroăng hơ’muăn ‘’Xiâm kối khoh ai um hmốu’’ dêi mơngế M’Nông vâ hơ’muăn ‘na prế on veăng kơtiê la rêh ối hơniâp ro. La ai tơdroăng ôh tá mơhúa, ngế kơdrâi ki lĕm rơduăng mê hiăng tro klá kơdê, cho tơdroăng sĭng khéa maluâ ngế kơnốu ai ivá rơdêi hiăng châ kơdê hlâ klá. Kơ’nâi ‘mé dêi kơdrâi, ngế kơnốu ối hmếo pơ sĭng hơ’nêng, khéa pâ dêi kơdrâi, xua mê rêm hâi ngoh lăm a tơnâp dêi kơdrâi mâ ngăn peăng hdốu ngo xŏn Nâm Njang tung hiâm mơno đi đo púi châ trâm hlo dêi kơdrâi híu môi xôh, la ngế kơdrâi mê hiăng chiâng um hmốu a tơdế nhâ drêh ta troh hâi kố.