Troh nôkố, kong pơlê hiăng khăm ăm lối 2,5 rơtuh ngế kuăn pơlê  khăm, châ lối 82% pơ'leăng mâ mơngế. Kong pơlê Dak Lak tơbleăng túa pơkâ khăm ivá, séa ngăn khăm tê kơtê ăm kuăn pơlê sap ing khế 6/2026. Kong pơlê xing xoăng dâng 400 rơtal liăn ing kơxô̆ liăn mơdêk pêi lo tâng vâ pơchông ƀă tơdroăng pơkâ ƀă tơdroăng pơkâ mơ'no liăn ngân kong pơlê hơnăm 2025 ki u ối, xing xoăng ăm mâu tơring cheăm tơkŭm po pêi pro, ƀă kơlo ăm 350.000 liăn/môi ngế rôh khăm.

Pôa Phạm Minh Hữu, Kăn phŏ pơkuâ ngăn pơkeăng ƀă khăm pơlât kong pơlê Dak Lak, ăm 'nâi, klêi kơ'nâi Pơkâ kơxô̆ 72 châ tơbleăng, pêi pro hnê mơhno dêi Khu pơkuâ hnê ngăn Đảng kong pơlê, Khu hiăng mơjiâng pơkâ khăm ivá tiô rơnó ăm kuăn pơlê. Tiô pôa Phạm Minh Hữu, tối hdrối, tơdroăng kố kô khăm klêi a tơdế khế 12 hơnăm kố.