Hô̆i đong kong pơlê Dak Lak hneăng má XI nếo tơbleăng Pơkâ troăng hơlâ mơhnhôk, tŏng kum hnê mơjiâng, mơnhông mơdêk mơngế pêi cheăng pơla hơnăm 2026–2031. Kơlo tŏng kum apoăng hên má môi troh 2 rơtal liăn ƀă yăo sư châ mơhnhôk mot pêi cheăng a kong pơlê. Troăng hơlâ tơkŭm mơhnhôk mơngế pêi cheăng rơkê tung 12 kơvâ cheăng ki xiâm, mê cho pêi chiâk deăng xúa kơmăi kơmok chal nếo, kơmăi kơmok uâ pơliê, on tơhrik ki vêh pro, logistics, ôm hyô, hnê hriâm, liăn ngân, khoa hok kŏng ngê̆, pơhlêh nếo tơmiât pêi rơkê ƀă pơhlêh kơxô̆.

Ƀă ngế ki châ rah xo, tơdah xo mot pêi cheăng ăm tơnêi têa, pro ngế pơkuâ tíu pêi cheăng hlối tơhrâ pêi cheăng ki vâ iâ 7 hơnăm, kơlo liăn kơjo kum môi hdroh apoăng châ pơkâ sap ing 500 rơtuh liăn ƀă ngế ki ai ƀâng đăi hok, 700 rơtuh liăn ƀă thak sih, 1 rơtal liăn ƀă tiê̆n sih, 1 rơtal 500 rơtuh liăn ƀă phŏ yăo sư ƀă 2 rơtal liăn ƀă yăo sư. Pôa Trương Ngọc Tuấn, Ngế pơkuâ Tíu xiâm rah xo kăn ƀô̆ pêi cheăng a Dak Lak ăm 'nâi troăng hơlâ pơkâ mê châ tơngah kô kum veăng mơnhông tơƀrê ki rơkê plĕng dêi mơngế pêi cheăng, tơxâng ƀă pơkâ mơnhông cheăng kâ - rêh ối pơlê pơla dêi kong pơlê Dak Lak tung hneăng nếo.