Tơpui a rôh trâm mâ, pôa Trần Thanh Mẫn, Kăn xiâm hnê ngăn Kuô̆k hô̆i tơmâng xo, khĕn kơdeăn mâu tơdroăng veăng gum dêi mâu kăn kơdrâi cheăng tung Kuô̆k hô̆i ƀă kăn ƀô̆ kơdrâi tung tơdroăng cheăng mơjiâng luât, séa ngăn ƀă pơkâ tơleăng mâu tơdroăng ki kal dêi tơnêi têa. Kuô̆k hô̆i hneăng XVI ai 150 ngế kơdrâi pêi cheăng, châ dâng 30% tung tâi tâng mâu kăn. Kăn xiâm hnê ngăn Kuô̆k hô̆i pơkâ thế mâu kăn vâi kơdrâi pơtối mơdêk tuăn mơno rơkê, khên tơnôu, hiâm mơno pơhlêh nếo; mơdêk ki rơkê séa ngăn, vêh tiâ mâu tơdroăng ki kuăn pơlê tối, malối cho mâu troăng hơlâ ki tơdjâk troh rêh ối pơlê pơla, hnê hriâm, khăm pơlât, cheăng pêi, hnoăng pơxúa dêi vâi kơdrâi ƀă vâi hdrêng.

Tơdrêng amê hlối pơtối cho kông tơdjêp pơla kuăn pơlê a rôh hôp, tối ‘na hiâm mơno tơmiât, púi rơhêng vâ dêi kuăn pơlê, malối cho vâi kơdrâi ƀă kuăn pơlê hdrông kuăn ngo.