Klêi kơ’nâi tah lôi mâu kế ki kơcheăng a kơƀâng chêh inâi nhôm, kơ koan cheăng pơchuât châ tơdroăng ki xiâm chêh: “MÔ̆ ĐÔ̆I HLÂ TUNG TƠPLÂ XÂ – NGUYỄN THANH TRÌ – HLÂ HÂI LƠ 18/5/70’’, ing mê mơnhên châ inâi mô đô̆i hlâ tung tơplâ xâ Nguyễn Thanh Trì. Tiah mê, riân troh nôkố Đô̆i K52 hiăng ti tăng chiâ rôu xo châ 6 kơxêng kiâ mô đô̆i a kơpong chiâk deăng plâi hôt a pơlê Bi, cheăm Ia Dom.

Tung kơxô̆ kố, mâu kơxêng kiâ hiăng mơnhên inâi cho mô đô̆i hlâ tung tơplâ xâ nah Nguyễn Thanh Trì; 5 kơxêng ki mô đô̆i ki ê tá hâi châ mơnhên châ inâi. Khu hnê mơhno ti tăng, tơkŭm ƀă mơnhên inâi kơxêng kiâ mô đô̆i kong pơlê Gia Lai pói vâ mâu mô đô̆i hneăng hdrối nah, khu pú mô đô̆i, kơ koan, tíu pêi cheăng ƀă kuăn pơlê tơbleăng tơdroăng ki tơdjâk troh mô đô̆i hlâ tung tơplâ xâ nah Nguyễn Thanh Trì ƀă nhŏng o, veăng gum mơnhên tơdroăng, rĕng tăng châ rơpŏng mô đô̆i hlâ tung tơplâ xâ nah.