VOV.Xơ Đăng - Tơdroăng pơkâ kơxô̆ 246 hơnăm 2026/NĐ-CP dêi Chin phuh ai pơkâ pơxâu phak ƀă liăn xua ai xôi tơdjâk troh tơdroăng păn tơnăng ká xixŏng kô xêt khât sap ing hâi lơ 18 khế 8, ai hên tơdroăng pơkâ ki nếo ƀă kơlo ki pơxâu phak kô tâk hên tâ tâng vâ pơchông ngăn ƀă ahdrối nah, malối ƀă tơdroăng ki mơhnŏng pro xôi. Vâ kuăn pơlê păn tơnăng ká xixŏng ‘nâi nhên, hbrâ mơdât tơdroăng tro xôi mê, mâu khu râ, kơvâ cheăng a kong pơlê Gia Lai dế thăm mơdêk tơdroăng hnê tối a kơno têa, mâu tíu tê mơdró ká xixŏng ƀă mâu kơpong ki ăm plong tuk ối. Kố xuân cho túa pêi pro ki vâ khŏm kâi châ mơdât tơdroăng ki tơnăng ká xixŏng ôh tá tro luât, ki dó inâi IUU dêi Gia Lai.

VOV.Xơ Đăng -  Kơxê lơ 13/8, pơkuâ rôh pêi cheăng ƀă mâu khu xiâm, kơvâ cheăng ‘na mâu hnoăng cheăng ki xiâm dêi Khu hnê mơhno tơnêi têa lăm ti tăng, ti tăng chiâ rôu xo, mơnhên inâi kơxêng kiâ mô đô̆i hlâ tung tơplâ xâ (Khu hnê mơhno 515), mê jâ Phạm Thị Thanh Trà, Phŏ Ngế pro xiâm hnê ngăn tơnêi têa pơkâ thâ mơjiâng, pro hên ‘noăng chư chêh ‘na mô đô̆i hlâ tung tơplâ xâ, tơnâp kiâ mô đô̆i ƀă ilâng kiâ mô đô̆i, mơjiâng xiâm rêi gum châ tơƀrê tâ tung tơdroăng ti tăng, tơkŭm ƀă mơnhên inâi kơxêng kiâ mô đô̆i hlâ tung tơplâ xâ.

VOV. Xơ Đăng - Đô̆i K52, Khu xiâm pơkuâ ngăn Lêng kong pơlê Gia Lai tơkŭm tăng hlo tơ’nôm péa 2 kơxêng kiâ mơngế hlâ ai hnoăng a kơpong pơlê Sơr, cheăm Ia Boòng, kong pơlê Gia Lai.

VOV.Xơ Đăng - Lâp tơnêi têa dế tơdjuôm kŏng pêi pro tơdroăng cheăng pêi thâ “500 hâi măng mơdêk rơdêi cheăng tăng rôu, tơkŭm ƀă mơnhên inâi kơxêng kiâ mố đô̆i”. A Quảng Ngãi, pakĭng ivá mơ-eăm dêi kơ koan ai tơdjâk, rêm tơdroăng tơbleăng sap ing kuăn pơlê kô cho tơdroăng ki kal khât ăm hên mâu rơpŏng tơngah châ ‘nâi dêi nhŏng o. Tơdroăng hâi kố kô tối ‘na hlá mơ-éa chêh ‘măn tơdroăng kal 181 ngế mố đô̆i hlâ a Hngêi pơkeăng B23 sap ing hơnăm 1968, xua on veăng y sih Đào Ngọc Thạnh ‘măn rak tung plâ vâ chê 60 hơnăm hdrối.

VOV.Xơ Đăng - Klêi kơ’nâi lối 10 khế pêi pro mơjiâng, mâu hngêi trung ai tíu kâ koi ối pơtê tơdjêp râ tơkăng kong Ia Lốp, Ia R’vê ƀă Buôn Đôn, kong pơlê Dak Lak, hiăng pêi kêi đeăng, kô châ Vi ƀan kong pơlê pơcháu hdrối hâi lơ 25/8 la ngiâ

VOV.Xơ Đăng - Hiăng vâ troh hâi lăm hriâm, la hngêi trung Phôh thong hnê Kuăn ngo ai tíu kâ koi ối pơtê kong pơlê Lâm Đồng (kơpong kong pơlê Bình Thuận ton) xuân ối hlo hên tơmeăm khoăng ki vâ mơjiâng pro ‘măn drô ‘nâi hâi kâi klêi pro hngêi trung ki kơnâ 61 rơtal liăn.

VOV.Xơ Đăng - Pêi pro hnoăng “Cheăng pêi thâ 500 hâi măng mơdêk rĕng pêi pro tăng rôu, tơkŭm ƀă mơnhên inâi kơxêng kiâ mố đô̆i hlâ”, Khu hnê mơhno 515 kong pơlê Lâm Đồng hiăng pêi pro klêi cheăng xo kơxêng vâ séa ngăn ADN kiâ mố đô̆i ki hlâ, rĕng tâ 3 khế tâng vâ pơchông ƀă túa pơcháu.

VOV.Xơ Đăng - Tung rôh pêi cheăng 500 hâi măng lăm tăng, tơkŭm xo kơxêng kiâ mơngế hlâ ai hnoăng tơnêi têa, kuăn pơlê Khánh Hòa dế thâ tơdjuôm ivá tối ăm ‘nâi mâu tơdroăng, mơhno troăng ăm mâu khu râ pơkuâ cheăng.

VOV.Xơ Đăng -  A hneăng hôp tơdroăng cheăng rôh má Péa, Hô̆i đong kuăn pơlê kong pơlê Dak Lak hneăng má XI nếo tơbleăng ăm pêi pro Tơdroăng tơbleăng xiâm a rôh hôp pơkâ kơlo mơhá hnoăng liăn ăm mơngế ki veăng pêi hên tơdroăng cheăng a thôn, tôh kơphô̆.

VOV.Xơ Đăng - Đảng ủi Vi ƀan hnê ngăn kong pơlê Gia Lai nếo ai hlá mơ-éa pơtroh ăm Khu pơkuâ hnê ngăn Đảng kong pơlê ‘na tŏng gum hlá mơ-éa hriâm ăm lối 182.000 ngế hok tro ối tung mâu khu ngế ki châ kơjo gum, ƀă ki kơnía dêi hlá mơ-éa hriâm ăm mung tiô tối tơbleăng dâng 42 rơtal liăn, sap ing liăn ngân kong pơlê hơnăm 2026.