VOV.Xơ Đăng -  A hneăng hôp tơdroăng cheăng rôh má Péa, Hô̆i đong kuăn pơlê kong pơlê Dak Lak hneăng má XI nếo tơbleăng ăm pêi pro Tơdroăng tơbleăng xiâm a rôh hôp pơkâ kơlo mơhá hnoăng liăn ăm mơngế ki veăng pêi hên tơdroăng cheăng a thôn, tôh kơphô̆.

VOV.Xơ Đăng - Đảng ủi Vi ƀan hnê ngăn kong pơlê Gia Lai nếo ai hlá mơ-éa pơtroh ăm Khu pơkuâ hnê ngăn Đảng kong pơlê ‘na tŏng gum hlá mơ-éa hriâm ăm lối 182.000 ngế hok tro ối tung mâu khu ngế ki châ kơjo gum, ƀă ki kơnía dêi hlá mơ-éa hriâm ăm mung tiô tối tơbleăng dâng 42 rơtal liăn, sap ing liăn ngân kong pơlê hơnăm 2026.

VOV.Xơ Đăng - A hneăng hôp ôh tá pơkâ ahdrối cho roh hôp má Môi, Kuô̆k hô̆i hneăng XVI, drêng tơpui tơno a tôh ‘na Tơdroăng tơkêa bro Luât Tối tơbleăng, Hnê mơhno luât (‘mâi pơhlêh), pôa Trần Thanh Mẫn, Kăn xiâm hnê ngăn Kuô̆k hô̆i tối nhên, tơdroăng ki ‘mâi pơhlêh luât ôh tá xê to vâ pêi pro kêi túa cheăng mơjiâng luât mê ối cho vâ pêi pro tro khât tiô hiâm tuăn kuăn pơlê púi rơhêng vâ môi tơdroăng luât ki achê kuăn pơlê, tơ’lêi rak vế, pêi pro ƀă păng ‘nâng hiăng xúa tung rêh ối - cheăng kâ. Tiô Kăn xiâm hnê ngăn Kuô̆k hô̆i, rêm ngế kuăn pơlê pơrá athế rêh ƀă pêi pro tiô Tơdroăng pơkâ ‘na Luât ƀă Luât xiâm tơnêi têa, xua ti mê, hnoăng cheăng hnê tối, tơbleăng, hnê mơhriâm ‘na luât kal athế pơhlêh nếo, ó rơdêi, mơjiâng túa lĕm tro ki ‘nâi nhoăm luât xiâm tung tâi tâng pơlê pơla, tơnêi têa

VOV.Xơ Đăng - Tơplâ hiăng ôh tá ai xếo lối 50 hơnăm, laga xuân u ối rơpâu mô đô̆i hlâ tung tơplâ xâ tá hâi tăng hlo lơ tá hâi mơnhên inâi. Ƀă mâu ngế lêng pêi hnoăng cheăng ti tăng chiâ, rôu xo hâi kố, rêm rôh ti tăng ôh tá xê to hnoăng cheăng kal kí, mê ối cho troăng prôk djâ rơxông jâ nôa pôa pâ vêh ƀă pơlê xiâm, rơpŏng ƀă inâi dêi tơná. A Dak Lak, Tơdroăng pêi cheăng 500 hâi măng pêi pro rơdêi tơdroăng ti tăng, chiâ rôu tơkŭm ƀă mơnhên inâi kơxêng kiâ mô đô̆i hlâ tung tơplâ xâ dế châ pêi pro kơtăng, gum pêi pro tŭm tâ hnoăng pâ mơnê ƀă mơngế hiăng pleăng mơheăm chhá xua tơniăn krê, tơniăn lĕm dêi Tơnêi têa.

VOV.Xơ Đăng - Kơxo hâi tĭng rêm măng tĭng, Hngêi khôp Tin Lành Plei Mơ Nú, bêng An Phú, kong pơlê Gia Lai, tâng rơdêng idrâp pơchuât khôp ƀă mâu ƀai hơdruê ‘na Pâ Xeăng. Sap ing mâu hơlâ troăng, mâu kuăn pơlê lăm to vâ khôp, hên vâi kơdrâi pôu dêi kuăn ối kŭn. Pôa Puih Blik, Ngế pơkuâ Chi hô̆i Plei Mơ Nú, ăm ‘nâi: “Hdrối nah hngêi khôp tung pơlê, pro ƀă tôl tô téa, pá ôh tá kâi ối vâ tơkŭm khôp. Nôkố ai hngêi khôp krê, kuăn pơlê hâk ro hiăng ai hngêi khôp lĕm. Hmâ hlo akố vâi tơkŭm khôp a Hâi tĭng. Hâi pái khôp peăng kơxo má. Hâi pơtăm khôp a mâu khu. Hâi péa ƀă hâi pŭn, mâu khu ki ê pơtâp hơdruê akố”.

VOV.Xơ Đăng - Vâ tơniăn 2 toăng hngêi trung Phôh thong hnê Kuăn ngo ai tíu kâ koi ối pơtê péa râ má môi ƀă má péa a mâu cheăm tơkăng kong Thuận An ƀă Quảng Trực teăm ăm xúa tung hơmăm hriâm 2026-2027, Vi ƀan Kuăn pơlê kong pơlê Lâm Đồng dế hnê mơhno kơtăng, tăng ngăn nhên tơdroăng mơjiâng pro ƀă tơdroăng hbrâ mot hơnăm hriâm nếo.

VOV.Xơ Đăng - Hâi lơ 5/8, Khu xiâm pơkuâ Mô đô̆i kong pơlê Khánh Hòa tơrŭm ƀă khu râ kăn pơkuâ hnê ngăn Đảng, Khu râ kăn pơkuâ kong pơlê ƀă nhŏng o rơpŏng tơkŭm ti tăng chiâ rôu xo tơkŭm kơxêng kiâ mô đô̆i inâi Ka Tơr Tiên a thôn Tà Nôi, cheăm Anh Dũng.

VOV.Xơ Đăng - Kơxo lơ 5/8, Khu ngăn Hdrông kuăn ngo ƀă Tơdroăng tiô khôp kong pơlê Dak Lak po lâm hnê hriâm tơdroăng cheăng loi tĭng tiô khôp, tơdroăng khôp ăm vâ chê 200 ngế kăn ƀô̆ pơkuâ ‘na kơvâ cheăng kố a mâu cheăm, bêng tung kong pơlê.

VOV.Xơ Đăng - Péa kong pơlê Dak Lak prế Gia Lai dế tơbleăng hên troăng hơlâ xing xoăng bro rế lĕm ‘na hngêi trung hriâm, hlối rak tơniăn tơdroăng hriâm  tâp ăm hok tro, malối a kơpong xơpá, tíu tơkăng kong, kơpong rêh ối dêi hdrông kuăn ngo.

VOV.Xơ Đăng - Hâi lơ 4/8, Kuô̆k hô̆i hneăng má XVI mot hâi pêi cheăng má péa dêi Hneăng hôp ôh tá tiah hmâ rôh má môi.