VOV.Xơ Đăng -  Kong mêi hên pro ôh tá xê iâ tơdroăng pá ăm tơdroăng tí tăng, xo kơxêng, xâk, hơnĕng a mâu ilâng kiâ xuân môi tiah tí tăng mâu kơxêng kiâ mố đô̆i a kong pơlê Lâm Đồng. Maluâ ti mê, mâu khu cheăng dêi kong pơlê hiăng pêi kêi đeăng xo kơxêng, hơnĕng a 11 ilâng kiâ, rĕng tâ châ 3 khế tâng vâ pơchông ƀă tơdroăng pơcháu. Troh nôkố, lối 3.600 kơxêng kiâ mố đô̆i tá hâi 'nâi inâi hiăng châ pơcháu ăm tơdroăng séa ngăn ADN, tung pơla tơdroăng tí tăng, tơkŭm pá kong dế ối pơtối pêi pro.

VOV.Xơ Đăng - Nếo achê kố, tung tơdroăng hriâm tâp, hriăn plĕng ki ai khât a kong pơlê Dak Lak, Khu kăn ki pêi dêi hnoăng cheăng dêi Học viện Quốc phòng pêi cheăng ƀă kong pơlê Dak Lak 'na mơnhông cheăng kâ - rêh ối pơlê pơla rơtế ƀă tơdroăng cheăng lêng - gâk ngăn, kring vế pơlê pơla.

VOV.Xơ Đăng - Đô̆i K51, Khu xiâm pơkuâ ngăn lêng kong pơlê Dak Lak nếo tí tăng, tơkŭm chiâ xo kơxêng kiâ mô đô̆i ki apoăng tung mâu hâi apoăng pêi pro hnoăng cheăng rơnó mơdrăng 2026-2027 a kong têa Kul.

VOV.Xơ Đăng - A mâu pơlê cheăm hdroâng kuăn ngo Lâm Đồng, krâ pơlê, ngế ki châ kuăn pơlê loi tơngah ôh tá xê to kông tơdjêp djâ troăng hơlâ tơrŭm troh ƀă vâi krâ-nhŏng o mê ối veăng gum tơdjêp tơdroăng loi tĭng, tiô khôp ƀă hnoăng cheăng pơlê pơla. Ƀă hnoăng ki djâ troăng ahdrối ƀă rơkong tơpui châ kuăn pơlê loi tơngah, vâi mơhnhôk vâi krâ-nhŏng o tơrŭm, kum dêi rơpó kơdo mơ-eăm tơkâ luâ xơpá, rak vế khôi túa lĕm tro, rêh ối "lĕm 'na châ, tro 'na tơdroăng khôp", rơtế mơjiâng pơlê cheăm phâi hơtô, hơniâp ro.

VOV.Xơ Đăng - Kơxê kố, (1/10), pơxiâm po Rôh hôp má 7 dêi Vi ƀan pơkuâ Kuô̆k hô̆i.

VOV.Xơ Đăng - Riân sap ing hâi lơ 23/6 troh tâi hâi lơ 30/9/2026, mâu khu Khu tơkŭm kơxêng kiâ mố đô̆i hiăng châ hlo, tơkŭm châ tâi tâng 682 to kơxêng kiâ mố đô̆i.

VOV.Xơ Đăng - Ƀaoh hiêm khăm pơlât hok tro, sinh viên cho troăng hơlâ ki pơxúa, kum mâu vâi o châ rak ngăn ivá ƀă kơdroh kơxô̆ liăn nâp drêng khăm, pơlât. Tơnêi têa nôkố tŏng kum 55% kơlo nâp. Kơ'nâi kố cho mâu tơdroăng ki kal 'nâi 'na kơlo nâp, hnoăng ki pơxúa ƀă túa veăng nâp ƀaoh hiêm khăm pơlât hok tro, sinh viên.

VOV.Xơ Đăng - Khu K52, Khu xiâm pơkuâ mô đô̆i kong pơlê Gia Lai nếo tơrŭm mâu khu râ pơkuâ cheăng tơkŭm môi kơxêng kiâ mô đô̆i a ilâng kiâ kuăn pơlê ối tung tôh 5, kơphô̆ 16, bêng Quy Nhơn Nam.

VOV.Xơ Đăng - Ing mâu troăng kum ăm kơvâ pêi chiâk deăng tá hâi tơdâng tơ'mô, mâu tơdroăng tơkêa bro troăng prôk pơla mâu kơpong hrá pêi pro, troh ‘na tơnêi tơníu, hyôh kong prâi, khăm pơlât, hnê hriâm ƀă tơdroăng pêi cheăng dêi khu kăn pơkuâ cheăm bêng, hên rơkong pâ thế ai pơxúa khât hiăng châ kuăn pơlê kong pơlê Lâm Đồng tối tơbleăng ƀă Khu kăn Kuô̆k hô̆i kong pơlê. Mâu tơdroăng ing pơlê cheăm xuân pơkâ thế mơnhông hnoăng cheăng dêi mâu kơ koan ki ai tơdjâk troh tung tơleăng mơnhên, tơdrêng amê, hlối mơnhông hnoăng cheăng séa ngăn dêi Kuô̆k hô̆i ƀă Hô̆i đong hnê ngăn kuăn pơlê rêm râ.

VOV.Xơ Đăng - Hâi lơ 20/9/2026, Pơkâ 307/2026/NĐ-CP dêi Chin phuh pơkâ 'na rah xo, mơnhên ƀă troăng hơlâ ƀă mơngế ki kuăn pơlê loi tơngah tung kơpong hdroâng kuăn ngo păng 'nâng ai xêt khât. A Lâm Đồng, ki păng 'nâng mâu hơnăm hiăng hluâ ăm hlo drêng châ tơmâng ngăn, tơbleăng tơdroăng ƀă pro tơ'lêi hlâu mơnhông hnoăng cheăng, ngế ki châ kuăn pơlê loi tơngah hiăng chiâng mâu "tíu ki tơniăn" tơdrêng tung pơlê pơla: tơpui tơdroăng kuăn pơlê hlê, pêi tơdroăng kuăn pơlê loi ƀă rơtế kuăn pơlê rak vế khôi túa, mơnhông cheăng kâ, rak tơniăn pơlê pơla.