VOV.Xơ Đăng - 4 chôu kơxo má, drêng lâp lu kong ngo ối hyôh ki hngíu, mâu kơnoh on hiăng khâng bâ a Hngêi trung phôh thong kuăn ngo ai tíu kâ koi ối pơtê Râ má môi Tu Mrông, kong pơlê Quảng Ngãi (tơring Tu Mrông, kong pơlê Kon Tum ton). Mâu vâi thái, cô ôh tá pơtê, chôa ‘lâng ‘mâi on, pế pơchên hmê kơchâi rêm kơxo má ăm hok tro. A kơpong kong ngo, mơngế thái, cô hên roh ôh tá xê to ối a lâm hnê chư, mê ối tơmâng, tŏng gum rêm roh kâ hmê, rêm roh koi pơtê, ivá ƀă tăng troăng mơhnhôk ăm hok tro rơhêng, hâk vâ ƀă tơdroăng mơhriâm chư.

VOV.Xơ Đăng - Xua tơdjâk dêi kong prâi, tôu mêi oh ta tro tơdroăng, pơreăng, hyôh kong prâi hơ'lêh, mâu tơdroăng ki tơdjâk 'mêi ing tơnêi tíu, kong kế ƀă tơklâm rơxế a drô troăng prôk, tro xía vâ tung pơla pêi cheăng… mê Việt Nam ai dâng 1 rơtuh 500 rơpâu ngế vâi hdrêng ai tơdroăng rêh ối pá puât. Tơdrêng ƀă tơdroăng tơmâng ngăn, tŏng gum kân khât dêi Đảng, Tơnêi têa, tung mâu hơnăm hdrối mê hía nah, hên vâi hdrêng kuăn tê, vâi ‘nĕng tro mơhrâm châ tâi tâng pơlê pơla tơmâng ngăn, tŏng gum, rak vế ƀă hnê pơtho vâ mâu vâi o ai tơdroăng châ mơnhông tŭm têk môi tiah mâu vâi hdrêng ki ê há.

VOV.Xơ Đăng - Tơdroăng tơnêi tơhnah tơhnâp ó a ngo Cấm, kong pơlê Bình Định (ton) a khế 11/2021 hiăng tâp kơđu lối 40 toăng hngêi, mơnhâu troh tơdroăng rêh ối dêi hrĭng ngế kuăn pơlê. Troh nôkố, lối 40 rơpŏng kuăn pơlê dế mơjiâng pro hngêi nếo a kơpong ki nếo xĕn ối, chôa 'lâng tơniăn tơdroăng rêh ối hdrối rơnó mêi khía.

VOV.Xơ Đăng - Kong mêi kân klăng rơnó poê báu pro hên ƀăng klâng báu a cheăm Nghĩa Giang, kong pơlê Quảng Ngãi tro têa lân lu. Kơmăi poê báu ôh tá chiâng chu poê, kuăn pơlê athế mot tung klâng poê xo dêi báu djâ troh a kĭng.

VOV.Xơ Đăng - Kơxo lơ 16/9, Khu ngăn 'na mơhno túa lĕm tro, Tơ'noăng ivá ƀă Ôm hyô Dak Lak tơrŭm ƀă Mố đô̆i gâk tơkăng kong dêi kong pơlê, Vi ƀan mâu cheăm Ia Rvê ƀă Ia Lốp tơkŭm po Hneăng hôp 'na tơdroăng tối tơbleăng tơpui kâ, tơbleăng hnoăng pơkuâ tơkăng kong hơnăm 2026.

VOV.Xơ Đăng - Khu tăng, tơkŭm kơxêng kiâ mố đô̆i a cheăm Đặng Thùy Trâm, kong pơlê Quảng Ngãi nếo châ hlo 3 to kơxêng kiâ mố đô̆i rơtế ƀă hên tơmeăm.

VOV.Xơ Đăng - Klêi kơ'nâi 90 hâi tơbleăng pêi, Tơdroăng pleăng hnoăng cheăng "Krếo inâi mâu vâi pú ki pâ tơnêi têa hơnăm 2026" tơdah xo lối 11 rơtal liăn, hên luâ tâ 3,6 hdroh tâng vâ pơchông ƀă tơdroăng pơkâ apoăng (3 rơtal liăn), tơ'mô vâ chê 70.000 hdroh tŏng kum.

VOV.Xơ Đăng - Kơ’nâi vâ chê 2 khế tơbleăng khăm ivá tung tâi tâng kuăn pơlê, kơvâ ngăn pơkeăng Dak Lak hiăng tê kơtê ăm lối 2 rơtuh ngế.

VOV.Xơ Đăng - Khánh Hoà khŏm mơ-eăm mơhnhôk hok tro pơtối châ hriâm nếo ing apoăng hơnăm, tơdrêng amê, pơkâ pêi pro mâu troăng hơlâ, tơveăng gum ƀă mơ’no liăn mơjiâng pro hngêi trung, lâm mơhriâm vâ kơdroh ki ôh tá tơdâng pơla mâu tơdroăng ki hnê hriâm tơrêm kơpong, ki nhên Tơdroăng Pơkâ 71 dêi Khu xiâm ngăn ‘na Cheăng kal kí ‘na ki pơhlêh nếo tung mơnhông hnê hriâm ƀă hnê mơjiâng cheăng pêi.

VOV.Xơ Đăng - Hâi lơ 13/9, khu ki tăng rôu, tơkŭm kơxêng kiâ mố đô̆i châ hlo tơ’nôm 11 to kơxêng kiâ mố đô̆i a tíu kơxô̆ 2, Khu A, Công viên Lê Thị Riêng, mơdêk tâi tâng kơxêng kiâ mố đô̆i hiăng châ tăng lo akố tâk troh 627 to kơxêng.