A ilâng kiâ mố đô̆i Ninh Thuận, cheăm Xuân Hải, kong pơlê Khánh Hòa, mâu kăn pleăng reăng, chôu nhâng tơbâ hnoăng mâu ngế ki hiăng hlâ xua tơniăn krê, tơniăn lĕm dêi Tơnêi têa. Klêi kơ'nâi leh tơbâ ƀă chôu nhâng, 25 kơxêng kiâ mố đô̆i châ 'mế tiô khôi túa ki lĕm tro. Sap ing tơbleăng tơdroăng "500 hâi măng mơdêk rơdêi pêi pro tơdroăng tí tăng, tơkŭm ƀă mơnhên inâi kơxêng kiâ mố đô̆i", kong pơlê Khánh Hòa hiăng tơkŭm châ 84 kơxêng kiâ mố đô̆i.

Tơdroăng châ tơƀrê kố ai tơrŭm pơla khu lêng, mâu kơ koan cheăng, khu râ kăn pơkuâ kong pơlê ƀă kuăn pơlê tung tơbleăng tơdroăng, mơngế hlo, tíu tơplâ, kum mơnhên tíu ai kơxêng kiâ mố đô̆i. kong pơlê Khánh Hòa pơtối mơdêk tăng, tơkŭm ƀă mơnhên inâi kơxêng kiâ mố đô̆i, mơ-eăm djâ mâu ngế hiăng hlâ ối a tíu tơplâ nah vêh ối tơniăn, pêi pro tiô tơdroăng púi vâ dêi nhŏng o ƀă rơpŏng hngêi mâu mố đô̆i ki hlâ.