Tơdroăng kố châ mơ’no pêi pro tung lâp tơnêi têa tung pơla 10 hơnăm (2026 - 2035), vâ tơleăng mâu tơdroăng ki ai tơdjak troh la ngiâ, khu tơrŭm cheăng, tơrŭm kơpong ‘na hbrâ mơdât pâk chik xúa trếo ma tŭi, hbrâ mơdât mâu ngế pro xôi. Tâi tâng liăn ‘no ăm tơdroăng kố tung pơla hơnăm 2031 – 2035 cho lối 18.151 rơtal liăn.

Pơkâ pêi nhên troh hơnăm 2030; rêm hơnăm, kơdroh kơxô̆ ngế pâk chik xúa trếo ma tŭi ôh tá tro luât; mơ-eăm troh hơnăm 2030 ki iâ hlái châ tơdế kơxô̆ cheăm, bêng, kơpong tíu pêi cheăng tung lâp tơnêi têa ôh tá ai ma tŭi. Ăm rơkong tơpui tối ‘na tơdroăng kố, pôa Trần Thanh Mẫn, Kăn xiâm hnê ngăn Kuô̆k hô̆i môi tuăn ƀă troăng hơlâ dêi tơdroăng kố, laga tiô Kăn xiâm hnê ngăn Kuô̆k hô̆i, tơdroăng ki kal cho tơbleăng pêi môi tiah lâi vâ châ tơƀrê, ing mê, pro chiâng tơdroăng ki tơƀrê khât cho kơdroh mâu ngế pro xôi tung tâi tâng kơvâ cheăng.