Rôh lăm pôu cho vâ ‘mâi mơnhông tơrŭm cheăng, loi tơngah pơla kăn pơkuâ khu râ kăn xiâm ƀă Kuô̆k hô̆i péa tơnêi têa tung hneăng nếo; tơdrêng amê hlối mơdêk hnoăng cheăng tơpui kâ ‘na Kuô̆k hô̆i, mơdêk tơrŭm cheăng pơla péa pâ rế hía rế ai pơxúa, tơƀrê. Tơrŭm cheăng Việt Nam – Lếo pơtối châ tơbêng tung tơdroăng tơrŭm tơroâ, tơrŭm tơviah, tơrŭm tung tâi tâng tơdroăng ƀă tơrŭm cheăng tung la ngiâ.

Tơrŭm cheăng cheăng kâ, tê mơdró ƀă ‘no liăn cheăng pơla péa tơnêi têa ai hên tơdroăng ki pơhlêh. Tung 7 khế apoăng hơnăm 2026, Việt Nam ai tơ’nôm 20 tơdroăng tơkêa ‘no liăn cheăng a Lếo, ƀă tâi tâng kơxô̆ liăn ‘no pêi cheăng lối 638 rơtuh USD, mơdêk kơxô̆ liăn tâk troh 7 rơtal USD. Tung rôh lăm pôu, péa pâ kô thăm tơpui tơno ki rơkê plĕng, mơjiâng luât, tơrŭm tơbleăng mâu tơkêa khu râ kăn xiâm, lêi tah xơpá tung tơrŭm cheăng kâ - rêh ối pơlê pơla; tơdrêng amê, hlối mơdêk rơdêi tơrŭm cheăng tung mâu rôh hôp Kuô̆k hô̆i tung kơpong ƀă kong têa ê, veăng gum mơdêk hnoăng cheăng, tíu ối dêi Kuô̆k hô̆i péa tơnêi têa.