Đăi tă Hoàng Hồng Bàn nôkố hôp a Chi ƀô̆ kơphô̆ 12, Đảng ƀô̆ bêng Tân Bình, Pơlê kong kân Hồ Chí Minh. A rôh diâp, pôa Trần Lưu Quang, Kăn pơkuâ hnê ngăn cheăng Đảng pơlê kong kân kơ-êng ivá, rơkâu Đăi tă Hoàng Hồng Bàn rêh ton, pơtối cho um méa ăm rơxông ối nếo tiô ƀối. Pôa mơnhên, Mêdái 80 hơnăm Đảng cho tơmeăm ki kơnía, mơnhên tơdroăng pleăng ton xŏn, tơdroăng ki krá châ ƀă ihiâm mơno môi tuăn ƀă Đảng, ƀă kuăn pơlê dêi ngế đảng viên.

Đăi tă Hoàng Hồng Bàn kot mâ hơnăm 1927, pơlê xiâm Hải Phòng, veăng hnoăng cheăng kăch măng sap ing rĕng, xông kân tung khu lêng ƀă pôu râng hên tíu pêi cheăng tung kơvâ pơtâng tối tơdroăng kal kí, hnê mơhno cheăng lêng. Tung tơdroăng pêi cheăng, pôa châ diâp hên kơxuô tơmeăm kơnía môi tiah Mê dái Quân công ối má Péa, Mê dái Tơdroăng cheăng ối má Môi ƀă má Pái, rơtế hên medái ki ê.