Tơdroăng tơkêa bro pơxiâm pêi pro hâi lơ 20/9/2026, xua Grup cheăng ‘na kơmăi komok - Hyôh phôn lêng (Viettel) tŏng gum. Troh nôkố, mâu tơmeăm khoăng mơjiâng pro dâng 50% ki hiăng pêi pro. Ing lăm séa ngăn ăm hlo, Dăi tươ̆ng Phan Văn Giang pơkâ thế mâu tíu pêi cheăng, đông lêng ki tơdjâk troh tơrŭm krá, mơdêk rĕng pêi pro, rak tơniăn ki lĕm tơƀrê, mơnâ mâ ƀă pêi tơdâng dêi tơmeăm khoăng; tơmâng khât a tíu pro, mâu tíu tơbâ, mơ-eăm pro klêi hdrối hâi lơ  22/12/2026.

Đăi tươ̆ng tối nhên, tơdroăng ‘mâi rơnêu pro ilâng kiâ mơhno tuăn pâ “Ai tơdroăng niân tiah hâi kố kơnôm ai hnoăng vâi krâ nah” hnoăng pêi pro ƀă tuăn pâ dêi mâu rơxông hâi kố ƀă mâu ngế hiăng hlâ pleăng tơná, dêi rơxông nôkố ƀă mâu ngế ki hiăng hlâ xua vâ pro tơniăn lĕm ăm tơnêi têa.

Tơmeăm khoăng drêng hiăng pro klêi kô ai tiô púi vâ lăm ngăn, tơbâ kơ mâu ngế hlâ ai hnoăng tơplâ Khên tơnôu, hlối veăng ‘no hnoăng hnê mơhno troăng hơlâ kăch măng, tơbêng hiâm mơno pâ nhoăm tơnêi têa kring vế Tơnêi têa ăm rơxông ối nếo.