VOV.Xơ Đăng - Lối tơdế chal klêi kơ’nâi rôh tơplâ, tơdroăng ki ôh tá kâi piu ‘na hên ngế mố đô̆i ki hlâ a mâu kơpong kong ngo kong pơlê Khánh Hòa hiăng vâ hía lôi tiô haia khế. “Tơdroăng pêi thâ 500 hâi măng” dế tơdjêp mâu tơdroăng ton nah ki u ối tung hồ sơ, tơnêi tơníu, po troăng tí tăng mâu vâi pú tung ngo ngối.

VOV.Xơ Đăng - Ƀă mâu vâi o a Tíu xiâm tŏng kum mơnhông mơdêk hnê hriâm tơrŭm ƀă vâi hdrêng ki chó chêng tơvê kŏng kong pơlê Dak Lak, Trung thu ôh tá xê to kơƀăn kĕo lơ ngăn hơdruê xuăng. Mê ối cho tơdroăng ki hơniâp ro drêng mâu vâi o châ to a plông hơdruê xuăng. Rơnó Trung thu hơnăm kố a Tíu xiâm tŏng kum mơnhông mơdêk hnê hriâm tơrŭm ƀă vâi hdrêng chó chêng tơvê kŏng xua mê cho tơdroăng ki hơniâp ro ƀă tá mâu tơdroăng mơ-eăm ki tơ'lêi hlâu.

VOV.Xơ Đăng -  Sap ing hâi lơ 18 troh lơ 21/9, mâu tíu pêi cheăng ối tung Khu pơkuâ ngăn Mố đô̆i gâk tơkăng kong dêi kong pơlê Dak Lak tơrŭm ƀă khu râ kăn pơkuâ hnê ngăn cheăng Đảng, khu râ kăn pơkuâ kong pơlê, mâu kơ koan, tíu pêi cheăng ƀă khu ki ai tuăn hơ-ui tơkŭm po hên tơdroăng xah hêi Têt Trung thu, diâp lối 2.200 kơxuô tơmeăm ăm vâi hdrêng a kơpong tơkăng kong tơnêi ƀă tơkăng kong têa kơxĭ.

VOV.Xơ Đăng -  ­Kơxê lơ 22/9, lăm pôu, diâp kơxuô tơmeăm ƀă rơkâu Têt Trung thu mâu vâi o phô̆m vâ xông kân, vâi hdrêng a Tíu xiâm tŏng kum vâi hdrêng Nghệ An, pôa Đỗ Văn Chiến, Phŏ Kăn xiâm hnê ngăn Kuô̆k hô̆i pơkâ thế mâu khu râ kăn pơkuâ hnê ngăn cheăng Đảng, khu râ kăn pơkuâ, mâu khu râ, kơvâ cheăng kong pơlê Nghệ An pơtối tơmâng, rak ngăn tro tâ nếo ăm vâi hdrêng; pôi tá ăm tơdroăng rêh ối pá puât pro hía tơdroăng châ hriâm tâp, păn roăng tơdroăng pói vâ.

VOV.Xơ Đăng - Kơxo hâi lơ 22/9, Đảng ủy, Hô̆i đong hnê ngăn kuăn pơlê, Vi ƀan hnê ngăn Kuăn pơlê, Vi ƀan Măt trâ̆n tơnêi têa Việt Nam cheăm Tu Mrông tơrŭm ƀă cheăm Đăk Tờ Kan, kong pơlê Quảng Ngãi tơkŭm po Leh pôu ngăn, tơbâ hnoăng ƀă ‘mé kơxêng kiâ A Ngoã ngế hlâ ai hnoăng a ilâng kiâ mế mơngế hlâ ai hnoăng a Tu Mrông.

VOV.Xơ Đăng - Kơxê măng hâi lơ 22/9, pôa Nguyễn Văn Quảng, Kăn hnê ngăn Tíu xiâm Đảng, Kăn tơleăng dêi Hngêi tơleăng kuăn pơlê, Kăn Kuô̆k hô̆i kong pơlê Lâm Đồng hiăng troh lăm pôu, hbru tơmeăm Têt Trung thu ăm vâi hdrêng Pơlê vâi hdrêng SOS Đà Lạt.

VOV.Xơ Đăng - Sơn Điền cho môi tung 29 to cheăm kơtiê xơpá dêi kong pơlê Lâm Đồng ƀă kơxô̆ kuăn pơlê hdroâng kuăn ngo ai lối 96%. Méluâ tơdroăng cheăng kâ-rêh ối ối trâm hên xơpá la kơnôm ai tơdroăng tơmâng ngăn, tŏng gum khât dêi Đảng, dêi Tơnêi têa, khu râ kăn pơkuâ, klêi kơ'nâi pơxiâm mot tung hơnăm mơhriâm nếo, tơdroăng hnê ƀă mơhriâm a Sơn Điền hiăng châ tơniăn lĕm. Mâu vâi o hok tro châ tơmâng ngăn, tŏng gum tro tiô tơdroăng hnê mơhno dêi khu râ kăn pơkuâ "cheăm xơpá la hnê mơhriâm thế rơkê khât".

VOV.Xơ Đăng - Kơxê hâi lơ 21/9, a Tíu pêi cheăng Chin phuh, pôa Hồ Quốc Dũng, Ngế pro xiâm phŏ hnê ngăn tơnêi têa pơkuâ hneăng hôp ăm rơkong veăng tơpui tối 'na Kơxop hlá mơ-éa Luât tơnêi tơníu ('mâi hơ'lêh).

VOV.Xơ Đăng - A cheăm tơkăng kong Ia Lốp, kong pơlê Dak Lak, lối hrĭng ngế hok tro hiăng rơtế xah hêi ro ƀă tơdroăng "Tíu tơkăng kong - Kơmăng khế mơniâ" hơnăm 2026. Tơdroăng kố xua Khu pơkuâ Mô đô̆i gâk tơkăng kong kong pơlê Dak Lak tơrŭm ƀă Khu pơkuâ vâi kơdrâi kong pơlê, Vi ƀan cheăm Ia Lốp ƀă mâu tíu pêi cheăng rơtế tơkŭm po, veăng kum tơ'nôm kơxô̆ liăn rak ngăn ăm vâi hdrêng ƀă mâu rơpŏng xơpá a kơpong tơkăng kong.

VOV.Xơ Đăng - A Hà Nội, Khu pơkuâ Mố đô̆i hơnăm hiăng krâ Việt Nam tơkŭm po Hneăng hôp roh má VII, hneăng hơnăm 2026-2031. A Hneăng hôp, hên tham luâ̆n tơkŭm tối nhên hnoăng dêi mơngế hơnăm hiăng krâ tung mơnhông tơnêi têa, tung mê ai tơdroăng ki hbrâ rơnáu tơrŭm, pơ'lêh kơxô̆, hmâ ƀă hơnăm hiăng krâ, mơnhông tuăn ngôa rơkê, loi tơngah ƀă ki rơkê dêi mơngế hơnăm hiăng krâ tung pơlê pơla.