Pôa Nguyễn Văn Quảng, Kăn hnê ngăn Tíu xiâm Đảng hbru tơmeăm Trung thu ăm Pơlê vâi hdrêng SOS Đà Lạt
Thứ tư, 10:00, 23/09/2026
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kơxê măng hâi lơ 22/9, pôa Nguyễn Văn Quảng, Kăn hnê ngăn Tíu xiâm Đảng, Kăn tơleăng dêi Hngêi tơleăng kuăn pơlê, Kăn Kuô̆k hô̆i kong pơlê Lâm Đồng hiăng troh lăm pôu, hbru tơmeăm Têt Trung thu ăm vâi hdrêng Pơlê vâi hdrêng SOS Đà Lạt.
Pơlê vâi hdrêng SOS Đà Lạt nôkố păn roăng 46 ngế kuăn tê, vâi hdrêng ki nôu pâ lôi, vâi hdrêng kơtiê xơpá xap ing 5 hơnăm troh 18 honăm. Teăng mâ kăn xiâm hnê ngăn Đảng, Tơnêi têa ƀă mâu kăn Kuô̆k hô̆i kong pơlê Lâm Đồng.
Pôa Nguyễn Văn Quảng, Kăn tơleăng dêi Hngêi tơleăng kuăn pơlê rơkâu Têt Trung thu, hbru tơmeăm ăm vâi hdrêng Pơlê păn roăng vâi hdrêng xơpá, hlối púi vâ mâu vâi hdrêng châ xah hêi Têt Trung thu lĕm ro, tơtô ƀă hlối vâ vâi hdrêng mơ-eăm tung hơnăm hriâm nếo 2026-2027 ƀă hên tơdroăng ki ê.
Viết bình luận