VOV4.Xơ Đăng -  A cheăm Ea Drông, pơlê kong krâm Buôn Hồ nếo po leh pơxiâm mơjiâng pro mâu hngêi ki apoăng, cho 1 tung 4 tơdroăng xut tah hngêi pơtân, hngêi xi kơchoh a kong pơlê Dak Lak.

VOV4.Xơ Đăng - Tơkâ luâ tơdế chal klêi kơ’nâi tơnêi têa châ tơleăng lĕm, Đông kach măng dêi kong pơlê Dak Lak drêng mê nah (nôkố, ối tung tơring Krông Bông, kong pơlê Dak Lak) xuân u ối rak vế tơdroăng roh nah ki tơplâ xâ khên tơnôu, ó rơdêi. Tung hneăng hơnăm 1965-1975, akố hiăng po hên mâu tơdroăng cheăng ki kal dêi Đảng ƀô̆ kong pơlê Dak Lak, cho tíu xiâm, cho đông ki ai tơveăng tŏng gum dêi kuăn pơlê, kế tơmeăm vâ plâ xâ a peăng Hdroh, ing mê, mơjiâng chiâng ivá ki kâi plâ ƀlê trâng Buôn Ma Thuột, lơ 10/3, veăng gum khoh pro Hneăng ki plâ ƀlê trâng kân rơnó Hơngui 1975, pro dêi tơnêi têa tơrŭm chiâng môi. Koh hâk vâ chê troh hâi tơbâ 50 hơnăm hâi ƀlêi trâng Buôn Ma Thuôtj, pro tơleăng lĕm kong pơlê Dak Lak, H’Xíu H’Mok-Ngế chêh hlá tơbeăng ai ƀai chêh ‘na tơdroăng roh ton nah ki tơplâ.

VOV4.Xơ Đăng – Kơxê lơ 27/2, pôa Phạm Minh Chính, Ngế pro xiâm hnê ngăn tơnêi têa pơkuâ Hneăng hôp ƀă mâu khu tê mơdró kŭn, ƀă dó inâi ‘’Tơnêi têa mơjiâng, Khu tê mơdró kŭn ƀă krâ kơvâ Việt Nam châ tơƀrê hluâ pơkâ tung chal nếo’’.

VOV4.Xơ Đăng - Kơxê hâi lơ 27/2, a leh tơbâ 70 hơnăm Hâi Thái pơkeăng Việt Nam, Vi ƀan kong pơlê Kon Tum tơkŭm po leh diâp inâi Thái pơkeăng ưu tŭ dêi Kăn xiâm hnê ngăn tơnêi têa ăm 12 ngế ƀok thái pơkeăng.

VOV4.Xơ Đăng – Pơla hdrối kố nah, a Rơ’jiu, um tơvi Khu lêng Hà Nội, hiăng po Leh Khê̆n kơdeăn ngế ki “Hnê mơhnhôk rơkê” dêi Khu lêng a kơpong kuăn pơlê hdroâng kuăn ngo ƀă peăng kong ngo. A rôh leh, ai 35 khu pú hên ƀă 80 ngế krê châ ô eăng xua mâu tơdroăng veăng gum kơhnâ rơkê tung tơdroăng hnê mơhnhôk, veăng gum ‘mâi mơnhông tơdroăng cheăng lêng, gâk kring ƀă mơjiâng ivá rơdêi gâk kring kuăn pơlê.

VOV4.Xơ Đăng - Hâi lơ 25/2, Kŏng an kong pơlê Gia Lai tơkŭm pơxiâm po leh pro, diâp ăm hngêi ƀă pơcháu liăn ăm Khu xiâm kŏng an kum tung tơdroăng tơdjuôm xut tah hngêi pơtân, hngêi xi kơchoh tung kong pơlê.

VOV4.Xơ Đăng - Tơdroăng ing Vi ƀan kong pơlê Dak Lak, troh nôkố, mâu tíu cheăng, tơring tung kong pơlê hiăng mơhnhôk châ tâi tâng kơxô̆ liăn lối 193 rơtal liăn vâ pêi pro tơdroăng ‘nhê tah hngêi pơtân, hngêi xiê kơchoh pro ăm hngêi nếo ăm rơpŏng kơtiê, vâ chê kơtiê.

VOV4.Xơ Đăng - Măng tĭng hdrối, kơnôm tơdroăng pơkuâ djâ dêi pôa Trần Thanh Mẫn, Kăn xiâm hnê ngăn Kuô̆k hô̆i, cheăng tung Vi ƀan xiâm hnê ngăn Kuô̆k hô̆i tơnêi têa hiăng po roh hôp, vêh mơnhên ngăn, tối tơbleăng Tơdroăng pơkâ ‘na hnoăng cheăng, pơcháu hnoăng cheăng ƀă ‘mâi rah xo mơngế ki vâ pêi cheăng pro kăn dêi mâu kơ koan Kuô̆k hô̆i. Roh hôp kố po klêi kơ’nâi Vi ƀan xiâm hnê ngăn Kuô̆k hô̆i hiăng vêh tăng rah mơngế cheăng a Hneăng hôp ôh tá ai pơkâ ahdrối má 9, Kuô̆k hô̆i hneăng 15. Ing mê, vêh mơnhên hnoăng cheăng, hnoăng pơkuâ, ‘mâi rơnêu khu ngế ki pro kăn pơkuâ cheăng a mâu kơ koan dêi Kuô̆k hô̆i.

VOV4.Xơ Đăng - Hâi lơ 21/2, ngăn a Pơkâ kơxô̆ 68/NQ-UNTVQH15 hâi lơ 14/2/2025 dêi Vi ƀan Pơkuâ cheăng Kuô̆k hô̆i, Chin phuh tơnêi têa Kŏng hoa xah hô̆i chuh ngiah Việt Nam hiăng tối tơbleăng ‘na troăng xiâm ki riân ngăn rơdâ dêi troăng têa kơxĭ Việt Nam tung Kung king Peăng kơnhŏng tơnêi têa.

6.VOV4.Xơ Đăng - Hâi lơ 1/3 la ngiâ kô ah, mâu kong pơlê a Dak Lak kô mơjiâng pro 4.285 toăng hngêi tiô tơdroăng tơkêa bro 214 ‘na tah hngêi xi kơchoh, hngêi pơtân kum mâu rơpŏng kơtiê, vâ chê kơtiê tung kong pơlê.