VOV.Xơ Đăng - Hngêi kơmăi Nhiê̆t điê̆n Vĩnh Tân 4 nếo tơrŭm tơkŭm po khăm, hbru ăm pơkeăng tê kơtê, diâp liăn hriâm rơkê ƀă diâp tơmeăm ăm kuăn pơlê cheăm Vĩnh Hảo, kong pơlê Lâm Đồng.

VOV.Xơ Đăng - Hdrối vâ mot hơnăm hriâm 2026 - 2027, Kơvâ ngăn Hnê hriâm ƀă Hnê mơjiâng tuăn ngoâ rơkê kong pơlê Lâm Đồng dế tơkŭm vâ pro klêi mâu kế tơmeăm xúa, hlá mơ-éa hriâm ƀă mâu thái cô ki hnê, malối cho mâu mâu cheăm ki kơtiê xơpá, vâ rak tơniăn ăm tơdroăng hnê ƀă hriâm sap ing apoăng hơnăm hriâm nếo.

VOV.Xơ Đăng - Kơxê lơ 23/8, Khu xiâm pơkuâ lêng Pơlê kong kân Hồ Chí Minh tơbleăng tơdroăng nếo ai 'na tơdroăng tăng, chiâ rôu xo, tơkŭm kơxêng kiâ mố đô̆i a Kơdrum reăng Lê Thị Riêng (bêng Hòa Hưng, ối tung Pơlê krâm 10 ton).

VOV.Xơ Đăng - Tơpui tơno a hngêi hôp kân ‘na tơ’mot 4 hnoăng cheăng xiâm tơnêi têa chiâng 1 Hnoăng cheăng xiâm tơnêi têa mơnhông túa lĕm tro-rêh ối pơlê pơla, thôn pơlê, hdrông kuăn ngo ƀă kong ngo hneăng hơnăm 2026-2035, mâu kăn Kuô̆k hô̆i ai tối tiah kố, tơ’mot tơdjuôm cho vâ kơdroh tơdroăng ki bô bối dêi pó, thăm mơdêk ki tơƀrê hôm tung xúa kuăn mơngế cheăng; laga, kal ai pơkâ nhên túa cheăng ki xing xoăng, mơ’no liăn cheăng, kring vế tơniăn ăm kuăn mơngế, kế tơmeăm pêi cheăng a mâu pơlê cheăm xahpá. Ki xiâm dêi hnoăng cheăng mê cho athăm athế mơdêk hnoăng rêh kâ ối dêi kuăn pơlê.

VOV.Xơ Đăng - Hâi lơ 20/8, a ilâng kiâ mô đô̆i hlâ ai hnoăng tơnêi têa dêi Ninh Thuận, cheăm Xuân Hải, kong pơlê Khánh Hòa hiăng tơkŭm po Leh pôu ngăn, leh tơbâ hnoăng ƀă ‘mé 8 kơxêng kiâ mơngế hlâ ai hnoăng nếo châ tăng hlo, tơkŭm ‘mé a mâu cheăm, bêng Phước Hữu, Phan Rang ƀă Đông Hải.

VOV.Xơ Đăng - Mâu kăn cheăm Čư̆ Pui, Khu pơkuâ hnê mơhno lêng cheăm tơrŭm ƀă Đô̆i K51 (Khu xiâm pơkuâ ngăn lêng kong pơlê Dak Lak) tơkŭm po tí tăng ngăn, tăng ‘nâi ƀă hlối tơkŭm môi kơxêng kiâ ngế hlâ ai hnoăng a ngo Čư̆ Jú, dêi hbêa ngo Chư Yang Sin, cheăm Čư̆ Pui, kong pơlê Dak Lak.

VOV.Xơ Đăng - Kơxê lơ 18/8, Khu râ kăn pêi cheăng Kuân khu 5 xua Thiê̆u tươ̆ng Nguyễn Quốc Hương, Phŏ Kăn pơkuâ Kuân khu 5 pro Kăn pơkuâ djâ khu hiăng troh lăm pôu, mơhnhôk khu mô đô̆i dế pêi hnoăng cheăng tung ‘’Tơdroăng pêi cheăng 500 hâi măng’’ a Ilâng kiâ mô đô̆i Cát Hải (cheăm Cát Tiến) ƀă Ilâng kiâ mô đô̆i Quy Nhơn (bêng Quy Nhơn Nam),  kong pơlê Gia Lai.

VOV.Xơ Đăng - Kơxo hâi lơ 18/8, Khu hnê ngăn Vâi kơdrâi Dak Lak tơkŭm po hôp mơgêi, diâp pri Tơ’noăng tung troăng hyôh măng tí tăng ‘nâi plĕng hlá mơ-eá luât pơkâ Hneăng hôp Đảng ƀô̆ kong pơlê, Hlá mơ-éa pơkâ luât hneăng hôp mâu kăn Măt trâ̆n Tơnêi têa Việt Nam kong pơlê ƀă Hlá mơ-éa pơkâ luât hneăng hôp Khu Kơdrâi rêm râ, hneăng 2025 - 2030.

VOV.Xơ Đăng - Pơtối Tơdroăng hôp ôh tá xê tiah hmâ roh má môi, Kuô̆k hô̆i hneăng 16, kơxo hâi lơ 19/6, Kuô̆k hô̆i tơpui tơno a tôh tơkŭm 04 tơdroăng pơkâ dêi tơnêi têa chiâng 01 Tơdroăng pơkâ dêi tơnêi têa.

VOV.Xơ Đăng - Ƀă tơdroăng ki kơdo mơ-eăm dêi khu cheăng kal kí tung pêi pro mâu hnoăng cheăng, tơdroăng tơkêa bro, troăng hơlâ mơdêk ‘na rêh kâ ối kuăn pơlê, troh nôkố, Pơlê kong kân Cần Thơ hiăng kâi kơdroh kơxô̆ rơpŏng kơtiê bu u ối vâ chê 0,6%, ki rơhêng vâ tối cho tung kơpong kuăn pơlê hdrông kuăn ngo.