Tíu kố tung rôh tơplâ xâ Mih cho tíu pêi cheăng đông kăch măng Khu 10. A tíu  ti tăng chiâ rôu xo kơxêng kiâ mô đô̆i khu cheăng châ hlo hên tơmeăm môi tiah: kơƀeăng chêh inâi mô đô̆i hlâ tung tơplâ xâ, 2 loăng chêh kim tinh, ăng-gô, mô đong, yep kơxu, kơbăn, xơkê, mâ nhĕng rơtế mâu tơmeăm ki xúa tung châ ki ê. Nôkố mâu kơxêng kiâ mố đô̆i dế 'măn rak, chôu nhang tơbâ vâ tơkôm pro hlá mơ-éa vâ tơbâ hnoăng ƀă 'mế tiô pơkâ.

Đông kăch măng Khu 10, ối tung cheăm Krong nôkố, nah cho kơ koan ki xiâm dêi Tỉnh ủi Gia Lai ƀă khu mô đô̆i kong pơlê tung tơplâ xâ Mih, hneăng hơnăm 1955 – 1975.