Klêi pro leh tơbâ, ‘mé 731 kơxêng kiâ mố đô̆i hlâ a hâi lơ 14/10, mâu lêng pơtói lăm tăng nếo rôh má péa a Khu B. Sap ing hâi lơ 15 troh tâi hâi lơ 17/10, hiăng châ hlo, tơkŭm tơ'nôm 33 to kơxêng kiâ mố đô̆i châ hlo krê, tung mê ai 11 to kơxêng kiâ mố đô̆i rơtế ƀă kế tơmeăm.

Tiah mê, sap ing tơbleăng tơdroăng lăm tăng troh hâi lơ 23/6 ta troh tâi hâi lơ 17/10, mâu lêng hiăng châ hlo, tơkŭm tâi tâng 764 to kơxêng kiâ mố đô̆i a Kŏng viên Lê Thị Riêng, tung mê ai 318 to kơxêng kiâ mố đô̆i ai kế tơmeăm rơtế ƀă. Nôkố tơdroăng tăng, tơkŭm kơxêng kiâ mố đô̆i dế pơtối châ pêi pro ƀă hiâm mơno pôu râng hnoăng cheăng, mơhno hiâm mơno pâ mơnê trâu hơngế ƀă mâu ngoh khên tơnôu hiăng hlâ xua tơdroăng tơplâ tơleăng lĕm hdroâng mơngế, mơjiâng ƀă gâk kring Tơnêi têa.