Sap ing hâi lơ 12 troh hâi lơ 15/10, Khu pơkuâ ngăn lêng cheăm Đăk Pék ƀă khu lêng Công binh, Ƀơrô tơbleăng tơdroăng cheăng, Khu xiâm pơkuâ ngăn lêng kong pơlê Quảng Ngãi hiăng tí tăng, chiâ rôu xo châ 5 to kơxêng kiâ mố đô̆i a pơlê Đăk Hoa, thôn Đăk Xanh, cheăm Đăk Pék. A tíu ki mê, khu ki tí tăng châ hlo mâu kế tơmeăm môi tiah chế, ting tong, kế tơmeăm ki ê, kế ki vâ xúa kơxuô, kơxuô kơxêng.

Mâu tơmeăm ki kố cho tíu ki vâ kum ăm tơdroăng ki vâ mơnhên tối 'na mâu ngế ki hlâ. Khu pơkuâ ngăn lêng cheăm Đăk Pék tơrŭm ƀă khu ki pro troăng prôk ối tung Ƀơrô Khu pơkuâ ngăn lêng, Khu xiâm pơkuâ ngăn lêng kong pơlê Quảng Ngãi pơtối po rơdâ tơdroăng ki tí tăng tung tơdroăng ki ai xua kuăn pơlê tối.