Chin phuh Mih tŏng kum mơngế chó chêng tơvê kŏng a Gia Lai ƀă Quảng Ngãi
Thứ sáu, 11:00, 16/10/2026
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kơxo lơ 15/10, a Gia Lai, Tíu xiâm pêi pro tơdroăng cheăng tơnêi têa 'mâi mơnhông klêi kơ'nâi tơdjâk trếo 'mêi pơreăng ƀă hyôh kong prâi, Khu xiâm pơkuâ ngăn lêng rơtế ƀă mâu khu tơrŭm cheăng tơkŭm po hneăng hôp tơpui tơno mơnhên tơdroăng châ tơƀrê tŏng kum tơdrêng ƀă mơnhông cheăng kâ rêh ối ăm mơngế chó chêng tơvê kŏng.
Hôp tơpui tơno mê ối tung tơdroăng tơkêa bro "Hơ'lêh tơdroăng rêh ối dêi mơngế chó chêng tơvê kŏng a mâu kong pơlê ki tro xôh hên ó trếo ‘mêi", xua Chin phuh Mih tŏng kum, tơbleăng a Gia Lai ƀă Quảng Ngãi sap hơnăm 2023. Troh nôkố, Tơdroăng tơkêa bro hiăng tŏng kum 741 ngế hơ'lêh tơdroăng rêh ối, tơmeăm xúa ƀă 147 ngế mơnhông cheăng kâ.
A hneăng hôp tơpui tơno, mâu kăn tối tơdroăng tơkêa bro hiăng pro pơ'lêh tơƀrê 'na ivá rak ngăn, pêi lo liăn hlối tơrŭm ƀă pơlê pơla. Ki hên mâu ngế châ tŏng kum tơdroăng rêh ối ai ivá kâi 'mâi mơnhông, hên ngế pêi lo liăn tâk hên.
Viết bình luận