VOV.Xơ Đăng - Tơkâ luâ túa pơkâ, hiăng pêi klêi rĕng tâ hnoăng pơcháu 2 khế, tơdroăng têa tah hngêi tơ’nhiê, xi kơchoh a mâu kong pơlê Gia Lai, Lâm Đồng ôh ti xê pro pơxúa ai mâu toăng hngêi ki lĕm kâk, mê ối mơhnhôk lối rơpâu rơpŏng kơtiê a cheăm tơkâ luâ xơpá. Kuăn pơlê rế loi, rế ai tíu hgiân vâ mơnhông cheăng kâ, pơhlêh tơdroăng rêh kâ ối.

VOV.Xơ Đăng - Kơlo liăn tŏng gum 25 rơtuh ăm rêm ngế kăn ƀô̆ troh pêi cheăng a Tíu pêi cheăng pro a kong pơlê Quảng Ngãi ƀă kơxô̆ liăn tŏng gum, tơdroăng xúa hiăng châ Hô̆i đong hnê ngăn kong pơlê Kon Tum hneăng 12-Hneăng hôp chuyên đề tơbleăng.

VOV4.Xơ Đăng - Ƀă lối 1/3 pơ’leăng mâ mơngế cho hdroâng kuăn ngo, kong pơlê Dak Nông tơmâng ngăn khât troh cheăng kơdroh kơtiê. Ƀă kơxô̆ liăn gum ing mâu tơdroăng pơkâ tơnêi têa rơtế ƀă túa pêi “râng kŏng hnê cheăng”, lối rơpâu rơpŏng kuăn pơlê kơtiê kơpong hdroâng kuăn ngo hiăng kơdroh hên, tơdroăng rêh ối kuăn pơlê rế hía rế châ mơnhông.

VOV.Xơ Đăng - Pôa Phạm Minh Chính, Ngế pro xiâm hnê ngăn Chin phuh pơkuâ hôp má 5 Khu hnê mơhno cheăng Xiâm Tơnêi têa tơbleăng tah hngêi pơtân hngêi xi kơchoh, tung lâp tơnêi têa.

A Dak Lak, Khu xiâm ngăn Cheăng kâ tơkŭm ƀă Mơnhông thôn pơlê - Khu xiâm ngăn pêi chiâk deăng ƀă Hyôh kong prâi tơkŭm po Hôp tơpui kơ-êng ‘mâi hơ’lêh Pơkâ 42/2012 ƀă Pơkâ 64/2015 dêi Ngế pro xiâm hnê ngăn Chin phuh - péa luât pơkâ ki kal vâ pêi klêi luât kơjo kum mâu khu mơdró, khu tơrŭm ki xúa mơngế pêi cheăng cho kuăn ngo a mâu kơpong kong ngo, kơpong kơtiê xơpá.

VOV.Xơ Đăng - Kơnôm ing tơbleăng pêi tơƀrê tơdroăng Pơkâ tơnêi têa, hên rơpŏng kuăn pơlê hdroâng kuăn ngo a Dak Nông hiăng ai hngêi ối krá lĕm, ai tơdroăng cheăng kâ tơniăn vâ hluăn ing kơtiê krá ton. Ôh ti xê to pơhlêh tơdroăng rêh ối kuăn pơlê, mâu troăng hơlâ tŏng gum kơdroh kơtiê hên troăng ối gum mơdêk mơjiâng thôn pơlê nếo, pro kơdroh kơtăn mơnhông kơpong hngế hngo. Dak Nông dế ai mâu hvêa prôk ki kơhnâ rơkê tung tơdroăng kơdroh kơtiê hên troăng.

VOV.Xơ Đăng -  Hâi lơ 18/6, a Dak Lak, Kơ koan xiâm Cheăng kâ tơrŭm ƀă Mơnhông thôn pơlê – Khu xiâm pơkuâ ‘na pêi chiâk deăng ƀă kong prâi tơkŭm po Hôp tơpui tơno ‘na kơ-êng ‘mâi rơnêu Tơdroăng pơkâ 42 hơnăm 2012 ƀă Pơkâ 64 hơnăm 2015 dêi Ngế pro xiâm hnê ngăn Chin phuh vâ kêi đeăng troăng pơkâ tŏng gum mâu khu tê mơdró, khu tơrŭm xúa mơngế pêi cheăng cho mơngế hdroâng kuăn ngo a kơpong kong ngo, kơpong ki pá puât.

VOV.Xơ Đăng - Troh nôkố, Kŏng an kong pơlê Dak Lak hiăng pơxiâm pro 3.014 toăng hngêi, châ dâng71% tơdroăng cheăng pơcháu.

VOV.Xơ Đăng - Kơxê lơ 16/6, pôa Trần Thanh Mẫn, Kăn xiâm hnê ngăn Kuô̆k hô̆i hiăng kĭ 34 tơdroăng pơkâ dêi Vi ƀan Pơkuâ Kuô̆k hô̆i ‘na klâ xoăng mâu tíu pêi cheăng râ cheăm dêi 34 to kong pơlê, pơlê kong kân.

VOV.Xơ Đăng - Tiô pơkâ mơ’no, rêm ngế kô châ gum 23 rơtuh liăn, tơ’mô ƀă 10 khế liăn khế kâ.