Tiah mê, mâu vâi o hok tro a 4 to hngêi trung râ má pái chuyên ai hngêi ối kơtăn hngêi trung sap ing 15km tơngi klêng kô châ xúa troăng hơlâ tŏng kum kơxô̆ liăn rêh ối dêi kong pơlê Lâm Đồng. Ki nhên, ƀă hok tro hngêi trung chuyên ối pơtê a hngêi trung châ ôh tá êa nâp liăn tíu ối, liăn on tơhrik, liăn têa; tơdrêng amê châ tơdah tŏng kum liăn kâ 936.000 liăn môi khế. Ƀă tơdroăng hngêi trung tá hâi châ xing xoăng ăm tíu ối pơtê, pakĭng liăn kâ, mâu vâi o kô châ tŏng kum tơ'nôm 360.000 liăn môi khế liăn mung hngêi ối.

Teăm Pơkâ mơ’no Troăng hơlâ ki tơdrêng kố dêi kong pơlê Lâm Đồng châ xúa sap ing hơnăm hriâm nếo 2026- 2027 ôh tá xê to kơdroh ki pá 'na liăn ngân ăm rơpŏng hngêi, mê ối pro ivá kum mâu vâi o hok tro hơngế ing hngêi hmiân tuăn lăm mơhriâm a 4 to hngêi trung chuyên dêi kong pơlê, mê cho: Râ má pái phôh thong chuyên Bảo Lộc, Râ má pái phôh thong chuyên Thăng Long, Râ má pái phôh thong chuyên Trần Hưng Đạo ƀă Râ má pái phôh thong chuyên Nguyễn Chí Thanh.